کسی بھی یورپی ملک کی شہریت حاصل کرنے کے لیے کیا کرنا ہوگا؟

?️ 7 اگست 2024

سچ خبریں: اگر آپ کسی خوبصورت یورپی ملک کی شہریت حاصل کرنا چاہتے ہیں تو اس کے لیے آپ کو لاکھوں ڈالر کی سرمایہ کاری کرنا ہوگی۔

دنیا بھر میں کئی ممالک ایسے ہیں جو سرمایہ کاری کے بدلے میں مستقل رہائش اور شہریت کی پیشکش کرتے ہیں، جسے گولڈن ویزا پروگرام کہا جاتا ہے۔

یہ بھی پڑھیں: عرب نوجوانوں کی یورپ منتقلی میں اضافہ

عرب ممالک کے ساتھ ساتھ یورپ، افریقہ، ایشیا اور براعظم امریکہ کے کچھ ممالک بھی اس پروگرام کے تحت شہریت کی پیشکش کرتے ہیں۔

یورپی ممالک میں گولڈن ویزا کی پیشکش

آسٹریا: یہاں مستقل رہائش اور شہریت حاصل کرنے کے لیے آپ کو یہ ثابت کرنا ہوگا کہ آپ ان کی معیشت میں اہم کردار ادا کرسکتے ہیں، جیسے کہ جائیداد کی خریداری یا کاروبار شروع کرنا۔ درخواست کی جانچ پڑتال کے بعد آپ کو شہریت دی جا سکتی ہے۔

مالٹا: مالٹا میں شہریت حاصل کرنے کے لیے چھ لاکھ یورو (تقریباً 18 کروڑ 26 لاکھ پاکستانی روپے) کی سرمایہ کاری ضروری ہے۔ یہ سرمایہ کاری قومی ترقیاتی فنڈ میں رقم جمع کروانے، سٹاک مارکیٹ میں بڑی رقم لگانے، یا ملک میں جائیداد خریدنے یا کرائے پر حاصل کرنے کی صورت میں کی جا سکتی ہے۔

شمالی مقدونیہ: یہاں دو لاکھ یورو (تقریباً چھ کروڑ پاکستانی روپے) کی سرمایہ کاری سے شہریت حاصل کی جا سکتی ہے۔

ترکی:ترکی میں مستقل رہائش کے لیے چار لاکھ امریکی ڈالر (تقریباً 11 کروڑ پاکستانی روپے) کی سرمایہ کاری درکار ہے۔

دیگر یورپی ممالک میں مستقل رہائش

یونان، اٹلی، پرتگال، سوئٹزرلینڈ، اور برطانیہ:  ان ممالک میں بھی سرمایہ کاری کے ذریعے مستقل رہائش حاصل کی جا سکتی ہے۔ اٹلی اور یونان میں رہائش کے لیے تقریباً سات کروڑ روپے کی سرمایہ کاری ضروری ہے۔

برطانیہ میں مستقل رہائش کے لیے عمدہ کاروباری آئیڈیاز پیش کرنا ضروری ہے، جس کے بعد وہاں رہائش، کام، اور تعلیم کی اجازت مل جاتی ہے۔

مزید پڑھیں: قانون کے تحت دوہری شہریت والوں کو سیاسی جماعتوں کو فنڈ دینے کی اجازت ہے:پی ٹی آئی وکیل

یاد رہے کہ گولڈن ویزا پروگرام کے تحت کئی ممالک سرمایہ کاری کے بدلے میں مستقل رہائش اور شہریت کی پیشکش کرتے ہیں۔

یورپی ممالک میں یہ عمل مختلف شرائط اور سرمایہ کاری کی مقدار کے تحت ہوتا ہے، جو درخواست گزاروں کو اپنے ملک میں بسانے کا موقع فراہم کرتا ہے۔