جنوبی شام کو دوسرا لبنان نہیں بننے نہیں دیں گے:صہیونی وزیر جنگ

26 فروری 2025

سچ خبریں:صہیونی حکومت کے وزیر جنگ نے شام کے جنوبی حصے میں شامی فوجیوں کی تعیناتی کو روکنے پر زور دیا ہے۔

الجزیرہ نیوز چینل کی رپورٹ کے مطابق، صہیونی حکومت بشار الاسد کی حکومت کے خاتمے کے بعد مسلسل شام کے فوجی انفراسٹرکچر اور اسٹریٹجک اثاثوں کو نشانہ بناتی رہی ہے تاکہ اس ملک کو کمزور کیا جا سکے۔

یہ بھی پڑھیں:جنوبی شام کو غیر مستحکم کرنے کے لیے تل ابیب کی نئی حکمت عملی

اس پس منظر میں، اسرائیل کے وزیر جنگ یسرائیل کاٹز نے آج اعلان کیا کہ اسرائیل جنوبی شام کو ایک اور لبنان میں تبدیل ہونے کی اجازت نہیں دے گا۔

انہوں نے حزب اللہ کی جانب سے صہیونی ریاست کے خلاف وسیع تر دھمکیوں کا ذکر کرتے ہوئے کہا کہ ہم شام کے نئے حکمرانوں کو یہ اجازت نہیں دیں گے کہ وہ جنوبی شام میں اور ہمارے زیر قبضہ علاقوں کے قریب فوجی اڈے قائم کریں۔

کاٹز نے دعویٰ کیا کہ اسرائیلی فضائیہ جنوبی شام کو غیر فوجی بنانے کی پالیسی کے تحت اس علاقے پر شدید حملے کر رہی ہے۔

ان کے مطابق شام کے حکمرانوں کو یہ سمجھنا چاہیے کہ اگر انہوں نے جنوبی شام میں فوجی اڈے بنانے کی کوشش کی تو اس کا جواب اسرائیل کی جانب سے شدید کارروائی کے طور پر ملے گا۔

مزید پڑھیں: جنوبی شام کے باشندے اسرائیلی حکومت کے خلاف

اسرائیلی حکومت جو امریکہ کی حمایت کے ساتھ جولان کی بلندیوں کو اپنے زیر قبضہ لے چکی ہے، نے شام کی مرکزی حکومت کی کمزوری کے بعد اس کے جنوبی علاقوں کے کچھ حصوں کو بھی قبضے میں لے لیا ہے۔