سچ خبریں:امریکی ویب سائٹ آکسیوس نے باخبر ذرائع کے حوالے سے رپورٹ دی ہے کہ امریکہ کے وزیر خارجہ مارکو روبیو رواں ماہ مشرق وسطیٰ کے متعدد ممالک، بشمول مقبوضہ فلسطینی علاقوں، کا دورہ کریں گے۔
روسی ویب سائٹ روسیا الیوم کے مطابق، آکسیوس نے تل ابیب میں موجود ذرائع کے حوالے سے بتایا کہ وزیر خارجہ روبیو فروری کے وسط میں مشرق وسطیٰ کا دورہ کریں گے۔
یہ بھی پڑھیں: امریکی وزیر خارجہ بار بار مشرق وسطی کیوں دوڑے چلے آتے ہیں ؟
یہ ان کا پہلا دورہ ہوگا جب سے انہوں نے بطور وزیر خارجہ اپنا عہدہ سنبھالا ہے۔ یہ دورہ ایک ایسے وقت میں ہو رہا ہے جب خطے میں اس حوالے سے شدید تناؤ پایا جا رہا ہے کہ امریکہ غزہ پٹی پر کنٹرول حاصل کرے۔
رپورٹ کے مطابق، صہیونی حکام نے اس منصوبے کی حمایت کرتے ہوئے اس کے نفاذ کے لیے ابتدائی اقدامات شروع کر دیے ہیں، جبکہ مصر، اردن، سعودی عرب اور دیگر عرب ممالک نے اس منصوبے کی شدید مخالفت کی ہے۔
گزشتہ ہفتے پانچ عرب وزرائے خارجہ اور ایک اعلیٰ فلسطینی عہدیدار نے روبیو کو ایک مشترکہ خط ارسال کیا، جس میں انہوں نے غزہ کے فلسطینیوں کو بے گھر کرنے کے ٹرمپ منصوبے پر گہری تشویش کا اظہار کیا۔
مزید پڑھیں: امریکی وزیر خارجہ صیہونی حکام سے ملاقات کے لیے تل ابیب پہنچے
تل ابیب میں سفارتی ذرائع اور آکسیوس سے بات کرنے والے دو باخبر ذرائع کے مطابق، روبیو نہ صرف مقبوضہ فلسطینی علاقوں بلکہ متحدہ عرب امارات، سعودی عرب اور ممکنہ طور پر دیگر ممالک کا بھی دورہ کریں گے۔
