کیا صیہونی جنگی کونسل کو تحلیل کرنا کافی ہے؟صیہونی حزب اختلاف کی زبانی

?️ 18 جون 2024

سچ خبریں: صیہونی حکومت کی کابینہ کے اپوزیشن کے سربراہ یائر لاپڈ نے نیتن یاہو کے ہاتھوں جنگی کابینہ کی تحلیل کو ناکافی قرار دیتے ہوئے کہا کہ پوری کابینہ کو تحلیل کر دینا چاہیے۔

الجزیرہ نیوز چینل کی رپورٹ کے مطابق صیہونی حکومت کے سابق وزیر اعظم اور اس حکومت کے موجودہ وزیر اعظم بنیامین نیتن یاہو کی کابینہ میں حزب اختلاف کی جماعتوں کے سربراہ یائر لاپڈ نے قابضین کی جنگی کابینہ کی تحلیل پر ردعمل کا اظہار کیا ہے۔

لاپڈ نے واضح کیا کہ جنگی کونسل کے بجائے پوری کابینہ کو تحلیل کیا جائے۔

یہ بھی پڑھیں: صیہونی حکومت کی جنگی کابینہ کے منحل ہونے کا امکان

صیہونی ٹی وی نے آج اعلان کیا ہے کہ نیتن یاہو نے اس حکومت کی کابینہ کے وزراء کے سامنے اعلان کیا ہے کہ اس نے جنگی کابینہ کو تحلیل کر دیا ہے۔

اسی بنا پر نیتن یاہو نے صیہونی حکومت کی کابینہ کے اجلاس میں اپنے وزراء سے خطاب کرتے ہوئے کہا کہ اب کوئی جنگی کابینہ نہیں ہے۔

عبرانی زبان کے ذرائع ابلاغ نے اعلان کیا ہے کہ ایسا اس وقت ہوا جب صیہونی حکومت کی داخلی سلامتی کے بنیاد پرست وزیر اتمار بن گوئر اس حکومت کی جنگی کابینہ کے ارکان میں شامل ہونا چاہتے تھے۔

کچھ عرصہ قبل صہیونی جنگی کابینہ کے سابق رکن بینی گینٹز نے اس کابینہ کے رکن کی حیثیت سے استعفیٰ دینے کا اعلان کیا تھا۔

مزید پڑھیں: گینٹز کا استعفیٰ، جنگی کابینہ کا خاتمہ

صیہونی حکومت کی سیاسی حلقوں میں تناؤ روز بروز بڑھتا جا رہا ہے اور اس حکومت کے اہلکاروں کے درمیان اختلافات بہت بڑھ گئے ہیں۔