شہید یحییٰ السنوار کے بھائی شہید ہو گئے یا زندہ ہیں؛ صیہونی انٹیلی جنس تذبذب کا شکار

سچ خبریں:اسرائیلی میڈیا کے مطابق خان یونس کے یورپی اسپتال پر وحشیانہ حملے کے بعد محمد السنوار، شہید یحییٰ السنوار کے بھائی، کی شہادت یا زندہ ہونے سے متعلق صہیونی حکام شدید تذبذب اور الجھن کا شکار ہیں۔ کئی روز بعد بھی حتمی معلومات سامنے نہیں آ سکیں۔

معا نیوز ایجنسی کی رپورٹ کے مطابق عبرانی زبان کے میڈیا نے اعتراف کیا ہے کہ شہید یحییٰ السنوار کے بھائی، محمد السنوار نے صہیونی حکومت کو شدید پریشانی اور ابہام میں مبتلا کر دیا ہے۔

یہ بھی پڑھیں:اسرائیلی فوج نے "محمد سنوار” کو قتل کرنے کے لیے آپریشن کیا

رپورٹ کے مطابق، خان یونس کے یورپی اسپتال پر اسرائیلی افواج کے وحشیانہ حملے کے بعد محمد السنوار کی صورتحال غیر واضح ہے، اب تک اس بات کی تصدیق نہیں ہو سکی کہ آیا وہ اس حملے میں شہید ہوئے یا زندہ ہیں۔

عبرانی میڈیا نے رپورٹ دی ہے کہ اس حملے کے بعد کئی روز گزرنے کے باوجود یہ واضح نہیں ہو سکا کہ صیہونی فورسز کی جانب سے فلسطینی کمانڈر محمد السنوار کو نشانہ بنانے کی کارروائی کامیاب ہوئی یا نہیں۔

اس حملے میں درجنوں بم استعمال کیے گئے، جن میں سے بعض کا وزن ایک ٹن تک تھا، اس دوران بڑی تعداد میں عام فلسطینی شہری شہید اور زخمی ہوئے۔

کچھ روز قبل بھی اطلاعات آئی تھیں کہ صیہونی خفیہ ایجنسی اب بھی محمد السنوار (جو قسام بریگیڈ کے کمانڈر اور یحییٰ السنوار کے بھائی ہیں) کی ٹارگٹ کلنگ اور حملے میں شہید ہونے والے کی شناخت کے بارے میں معلومات اکٹھی کر رہی ہے۔

 اس حوالے سے عبرانی روزنامہ یدیعوت احرونٹ نے رپورٹ دی کہ اسرائیلی انٹیلی جنس کو اس معاملے پر حتمی اور قطعی یقین حاصل کرنے کے لیے کئی ہفتے درکار ہوں گے۔

مزید پڑھیں:محمد الضیف کے دست راست اور فلسطینی مزاحمتی تحریک کے معمار مروان عیسی کون تھے؟

قابض اسرائیلی حکومت نے حال ہی میں خان یونس کے یورپی اسپتال پر کیے گئے شدید حملے کو محمد السنوار کی ٹارگٹ کلنگ کے لیے انجام دیا تھا۔