پی آئی اے کا اسلام آباد سے برطانیہ کے لئے چارٹرڈ فلائٹس کا شیڈول جاری

?️ 20 ستمبر 2021

کراچی(سچ خبریں) قومی ایئرلائن(پی آئی اے) نے اسلام آباد سے برطانیہ کے لیے چارٹرڈ فلائٹس کا شیڈول جاری کردیا۔شیڈول کے مطابق 22 ستمبر سے 30 اکتوبر تک 32چارٹرڈ فلائٹس آپریٹ ہوں گی۔ چارٹرڈ کمپنی کے ذریعے یہ پروازیں آپریٹ کی جائیں گی جس سے مسافر مستفید ہوں گے۔

تفصیلات کے مطابق پاکستان انٹرنیشنل ایئرلائن نے اسلام آباد سے لندن اور مانچسٹر کے لیے چارٹرڈ فلائٹس کا شیڈول جاری کیا ہے۔ 22 ستمبر سے 30 اکتوبر تک 32چارٹرڈ فلائٹس آپریٹ ہوں گی۔پی آئی اے انتظامیہ کا کہنا ہے کہ 22سے29ستمبر پی آئی اے کی 7چار ٹرڈ پروازیں برطانیہ روانہ ہوں گی۔

انتظامیہ نے بتایا کہ اکتوبر میں پی آئی اے کا 25پروازوں کا شیڈول فائنل ہے، چارٹرڈ کمپنی کے ذریعے یہ پروازیں آپریٹ کی جائیں گی جس سے مسافر مستفید ہوں گے۔قومی ایئرلائن کا کہنا ہے کہ چارٹرڈ پروازیں شروع کرنے سے مسافروں کو سفری سہولت میسر آئے گی۔

واضح رہے کہ پاکستان انٹرنیشنل ایئر لائنز ، پاکستان بین الاقوامی ہواپیمائی یا پی آئی اے پاکستان کی سب سے بڑی اور قومی ایئر لائن ہے جو تقریباً 23 اندرون ملک اور 30 سے زائد بیرون ممالک پروازیں چلاتی ہے جو ایشیا، یورپ اورجنوبی امریکا تک جاتی ہے۔

پی آئی اے تیس (30) سے زائد جہازوں کے ساتھ پاکستان کی سب سے بڑی اور قومی ایئر لائن ہے جو ایک وسیع تر تاریخ رکھتی ہے۔ یہ ایشیا کی پہلی ایئر لائن ہے جس نے جیٹ انجن والے بوئنگ 737جہاز چلائے۔ اس کے ساتھ ساتھ یہ دنیا کی پہلی ایئر لائن ہے جس نے بوئنگ 777-200 ایل آر جہاز حاصل کیے اور چلائے۔