ہالینڈ میں فلسطینیوں کے حق میں اور اسرائیل کے خلاف بڑی ریلی، ہر طرف فلسطین زندہ باد کے نعرے لگنے لگے

?️ 14 جون 2021

ہالینڈ (سچ خبریں)  ہالینڈ میں فلسطینیوں کے حق میں اور اسرائیل کے خلاف بڑی ریلی کا انعقاد کیا گیا اور ریلی میں ہر طرف فلسطین زندہ باد اور اسرائیل مردہ باد کے نعرے لگنے لگے۔

تفصیلات کے مطابق ہالینڈ کے ڈچ شہر روٹرڈیم میں انجمن طلبا  برائے فلسطین نے فلسطینی عوام کی حمایت میں ایک مظاہرے کا انعقاد کیا جس میں فلسطین کے حق میں جبکہ اسرائیلی دہشت گردی کے خلاف شدید نعرے بازی کی گئی۔

مظاہرین روٹرڈیم کے شوبرگ چوک میں جمع ہوئے، انہوں نے فلسطینی پرچم اٹھا رکھے تھے، مظاہرین نے فلسطینیوں کے خلاف منظم اسرائیلی جبر اور حملوں کی مذمت کی اور اسرائیل کے خلاف نعرے لگائے۔

مظاہرین سے خطاب کرتے ہوئے مقررین نے فلسطینی عوام کے ساتھ اظہار یکجہتی کیا اور عالمی برادری کی توجہ اسرائیل کی جانب سے فلسطینیوں کے خلا انسانی حقوق کی سنگین خلاف ورزیوں کی طرف مبذول کرائی۔

مظاہرین نے فلسطین زندہ باد، نسل امتیاز مردہ باد، اپارتھائیڈ مردہ باد کے نعرے لگائے اور فلسطینیوں کے خلاف اسرائیلی نسل پرستی روکنے کا مطالبہ کیا۔