1948 کے بعد سے پہلی بار بنی براک ایرانی میزائلوں کی زد میں

سچ خبریں:صہیونی خاخاموں کے تمام دعوؤں کے باوجود 1948 کے بعد سے پہلی بار تل ابیب کا مذہبی شہر ایرانی حملے کی زد میں آ گیا۔

فلسطینی انفارمیشن سینٹر کی رپورٹ کے مطابق، عبرانی اخبار ہارٹیز  نے انکشاف کیا ہے کہ 1948 میں اسرائیل کے قیام کے بعد پہلی بار ایرانی میزائلوں نے تل ابیب کے مشرق میں واقع شہر بنی براک کو نشانہ بنایا ہے۔

یہ بھی پڑھیں:ایرانی میزائل حملوں سے اسرائیل کو 550 ملین ڈالر کا نقصان

یہ حملہ ایک تاریخی تبدیلی کی علامت سمجھا جا رہا ہے، کیونکہ بنی براک کو صہیونی مذہبی حلقوں میں ایک محفوظ شہر تصور کیا جاتا تھا، خاخاموں کا دعویٰ تھا کہ یہاں چونکہ مذہبی یہودیوں کی اکثریت ہے اور تورات کی حفاظت ہو رہی ہے، اس لیے یہ علاقہ الٰہی تحفظ میں ہے۔

تاہم، ایرانی میزائلوں کا حالیہ حملہ ان تمام مذہبی دعوؤں کو غلط ثابت کر گیا، اور شہر کو نمایاں جانی و مالی نقصان اٹھانا پڑا۔ تصاویر اور رپورٹوں کے مطابق، بنی براک میں کئی عمارتوں کو نقصان پہنچا اور خوف و ہراس کی فضا چھا گئی۔

مزید پڑھیں: صیہونیوں کے لیے سب سے زیادہ نقصان دہ جنگ

ماہرین کے مطابق، بنی براک پر یہ حملہ اس بات کا عندیہ ہے کہ ایران اب نفسیاتی، مذہبی اور اسٹریٹجک اہداف کو یکجا کر کے ایک جامع جنگی حکمت عملی پر عمل کر رہا ہے۔