ایرانی میزائل حملوں سے اسرائیل کو 550 ملین ڈالر کا نقصان

سچ خبریں:ایرانی میزائل حملوں سے تل ابیب، ہرتزلیا اور دیگر علاقوں میں شدید مالی تباہی ہوئی ہے جبکہ ہزاروں اسرائیلی بے گھر ہو گئے ہیں۔

فلسطینی انفارمیشن سینٹر کی رپورٹ کے مطابق، ایران کی جانب سے کیے گئے میزائل حملوں کے نتیجے میں اسرائیلی علاقوں تل ابیب اور ہرتزلیا سمیت مختلف علاقوں میں عمارتوں اور بنیادی ڈھانچے کو پہنچنے والے نقصانات کا ابتدائی تخمینہ 2 ارب شِکِل (تقریباً 550 ملین امریکی ڈالر) لگایا گیا ہے۔

یہ بھی پڑھیں: معصوم فلسطینی بچوں کے خون میں ڈوبتی صیہونی معیشت

صیہونی حکومت کی ٹیکس اتھارٹی کی ابتدائی رپورٹ میں بتایا گیا ہے کہ سینکڑوں رہائشی، تجارتی اور صنعتی عمارتوں اور تنصیبات کو نقصان پہنچا ہے۔ ان حملوں کے نتیجے میں ہونے والی تباہی کے بعد، اسرائیلی انشورنس ادارے نے اعلان کیا کہ اب تک 22,932 شکایات اور معاوضے کی درخواستیں نقصانات کے ازالے کے قومی فنڈ کو موصول ہو چکی ہیں۔

ادارے کے مطابق، وسیع پیمانے پر ہونے والی تباہی کے نتیجے میں کم از کم 5000 اسرائیلی شہریوں کو اپنے گھروں سے نقل مکانی پر مجبور ہونا پڑا اور وہ عارضی مقامات پر منتقل ہو چکے ہیں۔

مزید پڑھیں: صیہونیوں کے لیے سب سے زیادہ نقصان دہ جنگ

قابل ذکر ہے کہ گزشتہ شب ایران نے جدید بالیسٹک اور ہائپرسونک میزائل فتاح کے ذریعے اسرائیلی مقامات پر ایک نئی میزائل لہر کے ساتھ حملے کیے، ان حملوں میں خاص طور پر تل ابیب کو شدید نقصان پہنچا، جہاں کئی عمارتیں مکمل طور پر تباہ ہو گئیں اور شہری زندگی بری طرح متاثر ہوئی۔