سید حسن نصراللہ کی تشییع جنازہ کے بارے میں قیاس آرائیاں

1 فروری 2025

سچ خبریں:لبنانی میڈیا میں حزب اللہ کے سیکرٹری جنرل شہید سید حسن نصراللہ کی تشییع جنازہ اور تدفین کے حوالے سے مختلف قیاس آرائیاں کی جا رہی ہیں، تاہم ابھی تک کوئی باضابطہ اعلان سامنے نہیں آیا۔

یہ بھی پڑھیں: سید حسن نصرالله کی تدفین کے بارے میں مغربی میڈیا کے دعوے مسترد

لبنانی ذرائع ابلاغ کے مطابق، سوشل میڈیا پر گردش کرنے والی اطلاعات میں سید حسن نصراللہ کی بیٹی سے منسوب ایک بیان کے حوالے سے دعویٰ کیا جا رہا ہے کہ تشییع جنازہ 23 فروری کو ہوگی۔ تاہم، ان اطلاعات کی کوئی باضابطہ تصدیق نہیں ہو سکی۔

لبنانی نیوز ویب سائٹ لبانون دیبائیٹ کے مطابق، آئندہ دو روز کے اندر اس حوالے سے ایک باضابطہ بیان متوقع ہے، جس میں شہید سید حسن نصراللہ اور شہید سید ہاشم صفی الدین کی تشییع جنازہ اور تدفین کی تاریخ کا باضابطہ اعلان کیا جا سکتا ہے۔

مزید پڑھیں: سید حسن نصراللہ کی تدفین کہاں ہوگی؟حزب اللہ کا اعلان

تاحال حزب اللہ یا اس کے قریبی ذرائع نے اس حوالے سے کوئی باضابطہ اعلان نہیں کیا، نہ ہی ان قیاس آرائیوں کی تصدیق یا تردید کی گئی ہے۔