انصار اللہ کی سعودی عرب کو سخت وارننگ

6 جنوری 2025

سچ خبریں:یمن کی انصار اللہ تحریک کے سیاسی کونسل کے رکن محمد علی الحوثی نے سعودی عرب کو یمن کے حالات کے بارے میں غلط اندازے لگانے پر سخت خبردار کیا ہے۔

المسیرہ نیوز چینل کی ویب سائٹ کے مطابق یمن کی انصار اللہ تحریک کے سیاسی کونسل کے رکن محمد علی الحوثی نے کہا کہ یمنی عوام ہر قسم کے تنازعات کا سامنا کرنے کے لیے تیار ہیں، خاص طور پر ایسے اقدامات کے خلاف جو یمن کو فلسطینی مسئلے کی حمایت سے روکنے کے لیے کیے جا رہے ہیں۔

یہ بھی پڑھیں: انصاراللہ یمن کا صہیونیوں کے لیے دلچسپ پیغام

انہوں نے سعودی عرب کو مخاطب کرتے ہوئے کہا کہ تناؤ میں کمی آپ کے لیے اپنے غلط فیصلوں پر نظر ثانی کرنے کا موقع تھا، لیکن اگر آپ نے دوبارہ غلطی کی تو شکست آپ کا مقدر ہوگی، جیسا کہ ماضی میں ہوا۔

الحوثی نے مزید کہا کہآپ نے سوچا تھا کہ یمن دو ہفتے میں سرنگوں ہو جائے گا، لیکن آج ہر غلط فیصلہ آپ کی ناکامی کا باعث بنے گا، اور فتح یمنی عوام کی ہو گی۔

مزید پڑھیں: یمن  نے 2024 میں امریکہ اور اسرائیل کو کیسے ناک رگڑائی؟

انہوں نے خبردار کیا کہ یمن کے خلاف کسی نئی سازش کی صورت میں تمام آپشنز یمنی عوام، قبائل، اور مسلح افواج کے لیے کھلے ہیں، اور ان کے اہداف کسی بھی پیش گوئی سے زیادہ بلند ہوں گے۔