امریکہ میں گن کلچر کے بارے میں صدارتی امیدوار کا عجیب بیان

🗓️ 22 ستمبر 2024

سچ خبریں: امریکی صدارتی انتخابات کی نامزد نے ملک میں اسلحہ رکھنے کی آزادی کا دفاع کرتے ہوئے کہا ہے کہ میرے پاس اسلحہ ہے اور اگر کوئی میرے گھر میں داخل ہوگا تو میں اس پر فائر کروں گی۔

یو ایس ٹوڈے کی رپورٹ کے مطابق امریکی نائب صدر اور 2024 کے صدارتی انتخابات میں ڈیموکریٹ پارٹی کی امیدوار کمالا ہیرس نے اسلحہ رکھنے کی آزادی پر ہونے والی ایک بحث میں کہا کہ میرے پاس خود اسلحہ ہے اور اگر کوئی میرے گھر میں بغیر اجازت داخل ہوتا ہے، تو میں اسے گولی مار دوں گی۔

یہ بھی پڑھیں: امریکہ یعنی اسلحہ اور بغیر اسلحے کے امریکہ کچھ نہیں!

کملا ہیرس نے بعد میں مسکراتے ہوئے کہا کہ شاید مجھے یہ بات نہیں کہنی چاہیے تھی، میرے انتخابی مہم کے ارکان اس پر بعد میں بات کریں گے۔

سی این این کی ویب سائٹ نے اس بیان کی وضاحت کرتے ہوئے کہا کہ ہیرس پہلے بھی کہہ چکی ہیں کہ ان کے پاس اسلحہ ہے۔

یاد رہے کہ حالیہ مناظرے میں جب ریپبلکن امیدوار ڈونلڈ ٹرمپ نے امریکی عوام کو خبردار کیا کہ ہیرس آپ کے اسلحے چھیننا چاہتی ہیں”، تو ہیرس نے جواب دیا کہ میرے اور ٹیم والز (ہیرس کے نائب ) دونوں کے پاس اسلحہ ہے، ہم کسی کا اسلحہ نہیں لینا چاہتے، لہذا اس قسم کی بے بنیاد باتوں کو پھیلانا بند کریں۔

واضح رہے کہ امریکہ میں اسلحہ رکھنے اور لے جانے کی آزادی ایک سیاسی، سماجی، اقتصادی اور سیکیورٹی پہلوؤں پر مبنی موضوع ہے۔

تاہم سیاسی اعتبار سے، یہ مسئلہ ڈیموکریٹ اور ریپبلکن جماعتوں کے درمیان ایک چالنجنگ بحث کا مرکز ہے جو انتخابی مہمات میں خاص طور پر نمایاں ہوتا ہے۔

مزید پڑھیں: امریکہ میں گن کلچر کے اثرات

عمومی طور پر ریپبلکن جماعت اسلحہ رکھنے کی آزادی کی حامی ہے، جبکہ ڈیموکریٹ جماعت بڑھتے ہوئے تشدد اور اجتماعی ہلاکتوں کے باعث اسلحہ رکھنے کی آزادی پر کچھ پابندیاں عائد کرنے کی خواہاں ہے۔