306 یمنی قیدیوں کی رہائی کے بعد صنعاء آمد

?️ 16 اپریل 2023

سچ خبریں:یمن اور سعودی عرب کے درمیان ہونے والے قیدیوں کے تبادلے میں 306 یمنی قیدی رہائی کے بعد صنعا کے بین الاقوامی ہوائی اڈے میں داخل ہوئے۔

المسیرہ ویب سائٹ کی رپورٹ کے مطابق یمن اور سعودی عرب کے درمیان قیدیوں کے تبادلے پر مبنی ہونے والے حالیہ معاہدے کے مطابق 306 یمنی قیدی رہائی کے بعد صنعاء کے بین الاقوامی ہوائی اڈے میں داخل ہوئے۔

رپورٹ کے مطابق یمن اور سعودی عرب کے درمیان قیدیوں کے تبادلے کے دوسرے دن، جس کے دوران کل 706 یمنی قیدیوں کو رہا کیا جانا ہے،306 قیدی صنعا کے بین الاقوامی ہوائی اڈے میں داخل ہوئے جہاں عوام اور حکام نے ان کا شاندار استقبال کیا۔

یاد رہے کہ گزشتہ روز 250 یمنی قیدی سعودی جیلوں سے رہا ہونے کے بعد صنعا کے ہوائی اڈے میں داخل ہوئے،سعودی عرب اور یمن کے درمیان قیدیوں کے تبادلے کا موجودہ عمل کل اتوار کو ختم ہونے والا ہے۔

قابل ذکر ہے کہ ریاض اور صنعاء کے حکام نے حال ہی میں جنگ بندی کے قیام اور یمن کی ناکہ بندی کے خاتمے کے حوالے سے تعمیری ماحول میں بات چیت کی جس کے بعد کہا جا رہا ہے کہ طویل جنگ بندی کا امکان پایا جاتا ہے، تاہم ابھی تک اس سلسلہ میں کسی بھی فریق نے تفصیلات بیان نہیں کی ہیں۔