شاہ رخ والد سے آکر ملے اور کہا آپ کو فالو کرتا ہوں، ربیکا خان

?️

کراچی: (سچ خبریں) ٹک ٹاکر و اداکارہ ربیکا خان نے کہا ہے کہ ماضی میں ان کے والد کامیڈین کاشف خان فلم کی پروموشن کے لیے بھارت گئے، جہاں شاہ رخ خان خود ان سے ملنے آئے اور انہیں کہا کہ وہ ان کے کام کو دیکھ کر ان جیسا کام کرنے کی کوشش کرتے ہیں۔

ربیکا خان نے حال ہی میں ’جیو پوڈکاسٹ‘ میں شرکت کی، جہاں انہوں نے مختلف معاملات پر کھل کر بات کی۔

ان کے مطابق بچپن سے ہی والد انہیں مختلف شوبز شخصیات سے ملاتے رہے ہیں، وہ بچپن سے ہی شوبز شخصیات سے ملتی آ رہی ہیں۔

ان کا کہنا تھا کہ وہ صرف فیملی ولاگنگ نہیں بلکہ دیگر موضوعات پر بھی ولاگنگ کرنے سمیت ویڈیوز بناتی ہیں۔

انہوں نے کہا کہ یہ تاثر غلط ہے کہ دوسرے لوگ محنت کرکے ویڈیوز بناتے ہیں، پھر بھی ان کی ویڈیوز نہیں دیکھی جاتیں جب کہ انفلوئنسرز کی صرف جوتے دکھانے کی ویڈیو بھی لاکھوں بار دیکھی جاتی ہے۔

ان کا کہنا تھا کہ شروع میں ان کی ویڈیوز بھی نہیں دیکھی جاتی تھیں لیکن انہوں نے ہمت نہیں ہاری اور باقی افراد کو بھی ہمت نہیں ہارنی چاہیے، مسلسل کام کرتے رہنا چاہیے۔

ایک سوال کے جواب میں انہوں نے کہا کہ چند ماہ قبل انہوں نے شاہ رخ خان کے گانے پر ایک ویڈیو بنائی جو اچانک وائرل ہوگئی اور یش راج فلمز نے ان کی ویڈیو شیئر کرکے انہیں ٹیگ کیا۔

ربیکا خان کے مطابق انہیں یش راج فلمز کی جانب سے ٹیگ کیے جانے پر بہت خوشی ہوئی اور انہیں یقین نہیں آیا کہ ایسا بھی ہوسکتا ہے۔

انہوں نے کہا کہ ان کی ویڈیوز تو وائرل اور شیئر ہوتی رہتی ہیں لیکن یش راج فلمز پروڈکشن جیسے ادارے کی جانب سے ان کی ویڈیو کو شیئر کرکے انہیں ٹیگ کرنا ان کے لیے بہت بڑا اعزاز تھا۔

ربیکا خان نے بتایا کہ جب ان کی عمر محض 9 سال تک ہوگی، تب وہ والد کے ہمراہ سنجے دت اور متھن چکرورتی جیسے اداکاروں سے مل چکی ہیں اور سنجے دت کے ساتھ تو انہوں نے کھانا بھی کھایا۔

ربیکا خان کا کہنا تھا کہ انہیں شاہ رخ خان اور سدھارتھ ملہوترا جیسے اداکار بہت پسند ہیں جب کہ وہ بھارتی انفلوئنسر اور اداکارہ جنت زبیر کی فلم پروموشن کے لیے ان کے ساتھ کام کر چکی ہیں۔

انہوں نے بتایا کہ انہوں نے جنت زبیر کی فلم پروموشن کے لیے ان کے ساتھ دبئی میں جاکر ویڈیوز بنائی تھیں۔

ایک سوال کے جواب میں انہوں نے بتایا کہ ان کے والد پتا نہیں کس کس اداکار اور شخصیت سے مل چکے ہیں جب کہ ماضی میں جب وہ بھارت گئے تھے تو شاہ رخ خان ان سے خود ملنے آگئے تھے۔

ان کا کہنا تھا کہ ان کے والد کاشف خان ماضی میں فلم پروموشن کے لیے شاہ رخ خان کے ساتھ کام کر چکے ہیں۔

انہوں نے بتایا کہ فلم پروموشن کے دوران شاہ رخ خان خود ان کے والد سے ملنے آئے اور انہیں کہا کہ ’وہ انہیں فالو کرتے ہیں‘ یعنی ان کے کام کو دیکھ کر ان جیسا کام کرنے کی کوشش کرتے ہیں۔

ربیکا خان چند ڈراموں اور فلموں میں بھی کام کر چکی ہیں، وہ سینئر کامیڈین کاشف خان کی بیٹی ہیں۔

مشہور خبریں۔

بیلسٹک میزائل ڈیفنس سسٹم کی تیاری میں تیزی لانے کے لیے اسرائیل کی کوششیں

?️ 18 جولائی 2025سچ خبریں: اسرائیلی وزارت دفاع نے بیلسٹک میزائلوں کو مار گرانے کے

ٹرمپ کے مقدمے کی سماعت ملتوی؛لفظ الگ مطلب الگ

?️ 8 مئی 2024سچ خبریں: فلوریڈا کی عدالت نے سابق امریکی صدر ڈونلڈ ٹرمپ کے

این سی اوسی نے ملک میں ویکسی نیشن کیلئے وسیع بنیاد پر سخت فیصلے کیے ہیں

?️ 25 اگست 2021لاہور(سچ خبریں)تفصیلات کے مطابق این سی اوسی نے ملک میں ویکسی نیشن

عبرانی میڈیا دماغی صحت کے مسائل کی وبا کے بارے میں رپورٹ کرتا ہے جس نے اسرائیل کو اپنی لپیٹ میں لے رکھا ہے

?️ 12 اگست 2025سچ خبریں: عبرانی زبان کے ایک میڈیا آؤٹ لیٹ کے مطابق اسرائیل

ایران نے امریکہ اور اسرائیل پر فتح حاصل کی اور ان کی سازشوں کو ناکام بنایا : المشاط

?️ 25 جون 2025سچ خبریں: المشاط نے کہ میں جمہوری اسلامی ایران کی عوام، فوج

شام کی عرب لیگ میں واپسی کے لیے عراق کی مکمل حمایت

?️ 13 اپریل 2023سچ خبریں:عراقی وزارت خارجہ کے ترجمان نے شام کی عرب لیگ میں

90 سے زائد ممالک کی فلسطینیوں کے خلاف صیہونی جارحیت کی مذمت

?️ 20 جنوری 2023سچ خبریں:اقوام متحدہ کے 90 سے زائد رکن ممالک نے ایک بیان

متحدہ عرب امارات کے قومی سلامتی مشیر کی امیر قطر سے ملاقات

?️ 28 جون 2022سچ خبریں:   قطر کے امیر تمیم بن حمد الثانی نے آج منگل

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے