حنا الطاف نے نیلم منیر کو مذہبی اداکارہ قرار دے دیا

🗓️ 24 مئی 2021

کراچی (سچ خبریں)پاکستانی اداکارہ و میزبان حنا الطاف نے نیلم منیر کو ایک مذہبی اداکارہ قرار دیتے ہوئے انکشاف کیا ہے کہ معروف خوبرو اداکارہ نیلم منیر بہت مذہبی اداکارہ ہیں اور وہ رمضان کے دوران کسی بھی پروجیکٹ میں کام کرنا پسند نہیں کرتیں وہ رمضان میں نماز و روزے میں مصروف رہتی ہیں۔

حال ہی میں پاکستان کی خوبصورت جوڑی حنا الطاف اور آغا علی نے ایک ٹاک شو میں بطور مہمان شرکت کی۔شو کے میزبان معروف اداکار احسن خان کی جانب سے اس جوڑی سے  دلچسپ سوالات کیے گئے جس کے دونوں ہی فنکاروں نے خوشگوار موڈ میں جوابات دیئے۔

شو کے دوران اداکارہ نیلم منیر کا ذکر ہوا جس پر حنا الطاف کا شائقین کو مخاطب کرتے ہوئے کہنا تھا کہ ’وہ یہاں نیلم منیر سے متعلق ایک بات بتانا چاہتی ہیں جو کہ  آغا علی اور احسن خان سمیت کسی کو نہیں معلوم ۔حنا الطاف کا کہنا تھا کہ ’نیلم منیر بہت مذہبی لڑکی ہے، وہ رمضان کے دوران کسی پروجیکٹ میں کام کرنا پسند نہیں کرتی کیوں کہ رمضان کے دوران نماز روزے میں مصروف ہوتی ہیں۔‘

حنا کی بات سُن کر شو کے میزبان احسن خان کا بھی کہنا تھاکہ ’حنا الطاف بالکل ٹھیک کہہ رہی ہیں، نیلم منیر رمضان کے دوران کسی شو میں بھی نظر نہیں آتیں اور اپنی شوبز مصروفیات کم کر کے خود کو رمضان کے ساتھ ہی مصروف رکھتی ہیں۔اس دوران  آغا علی کا کہنا تھا کہ’ہاں نیلم منیر ایک بہت اچھی خاتون ہیں۔