شام میں امریکی فوجی اڈے پر راکٹ حملہ

🗓️ 15 اپریل 2021

سچ خبریں:شام کے شہر دیر الزور میں امریکی فوجی اڈے پر راکٹ حملے کے نتیجہ میں متعدد امریکی فوجی زخمی ہوگئے۔
عراق کے التجاہ چینل کی رپورٹ کے مطابق شام کے شہر دیر الزور میں امریکی فوجی اڈے کو راکٹوں کے ذریعہ نشانہ بنایا گیا، رپورٹ کے مطابق التجاہ نے اطلاع دی ہے کہ متعدد میزائلوں نے شام کے شہر دیر الزور کے شمالی مضافاتی علاقے میں واقع کونیکو گیس کمپنی کے قریب امریکی اڈے کو نشانہ بنایا۔ اس حملے میں متعدد امریکی فوجی شدید زخمی ہوگئے تھے۔

نیوز میڈیا کے مطابق زخمیوں کو اسپتال لے جایا گیا،تاہم عربی زبان کے ذرائع ابلاغ نے اطلاع دی ہے کہ یہ اڈہ دیر الزور کے شمالی محور پر واقع تھانیز حالیہ مہینوں میں اس اڈے کو متعدد بار نشانہ بنایا گیا ہے،واضح رہے کہ یہ اڈہ در حقیقت امریکی رائفل مینز کی موجودگی کا بنیادی مرکز ہے جس کا اصل مشن شام کے تیل کے وسائل کو لوٹنا ہے۔

واضح رہے کہ امریکہ اس ملک میں داعش کا مقابلہ کرنے کے بہانے اس ملک کی حکومت کی اجازت کے بغیر غیر قانونی طور پر داخل ہوا تھا تاہم ملکی اور غیر سطح پر ایسے شواہد اور دستاویزات موجود ہیں جن سے ثابت ہوتا ہے کہ امریکہ یہاں داعش کا مقابلہ کرنے کے بہانے تیل کے ذخائر لوٹنےکے لیے آیا تھا جو آج تک لوٹ رہا ہے کیونکہ اس نے داعش کے خلاف کوئی کاروائی کرنے کے بجائے اس کے لیے سہولت کار کے فرائض انجام دیے ہیں جس میں انھیں کھانے پینے کی اشیاسے لے کر پناہ اور فوجی تربیت دینے تک کے اقدام شامل ہیں