?️
سرینگر: (سچ خبریں) غیر قانونی زیر قبضہ جموں و کشمیر میں بھارت اقوام متحدہ کے تسلیم شدہ حق خودارادیت کے حصول کے لیے کشمیریوں کی جدوجہد کو دبانے کے لیے منظم نسل کشی کر رہا ہے۔
کشمیرمیڈیاسروس کے مطابق بھارتی فوجیوں نے گزشتہ تین دنوں کے دوران بارہمولہ، کولگام اور راجوری اضلاع میں جعلی مقابلوں میں ایک 60سالہ شخص سمیت 8کشمیریوں کو فائرنگ کرکے شہید کیا۔ معصوم لوگوں کا قتل عام مقبوضہ جموں وکشمیر میں مقامی آبادی کو ختم کرنے کے نریندر مودی کی زیر قیادت فسطائی بھارتی حکومت اور اس کی ہندوتوا اسٹیبلشمنٹ کے مذموم منصوبے کا حصہ ہے۔ سرینگر میں سیاسی تجزیہ کاروں اور سول سوسائٹی کے ارکان نے صحافیوں سے بات کرتے ہوئے افسوس کا اظہار کیا کہ کشمیریوں کو ان کے ناقابل تنسیخ حق خودارادیت کا مطالبہ کرنے کی جس کی انہیں اقوام متحدہ نے ضمانت دے رکھی ہے، سزا دی جارہی ہے۔
دریں اثناء کل جماعتی حریت کانفرنس اور جموں و کشمیر ڈیموکریٹک فریڈم پارٹی نے سرینگر میں جاری اپنے بیانات میں مقبوضہ علاقے میں بھارتی ریاستی دہشت گردی میں اضافے پر شدید تشویش کا اظہار کیا ہے۔ انہوں نے کہا کہ گزشتہ 76برسوں سے جاری بھارتی مظالم آزادی کے لئے کشمیریوں کے عزمِ کو توڑنے میں ناکام رہے اور وہ اپنی جدوجہد کو مکمل کامیابی تک جاری رکھنے کے لیے پرعزم ہیں۔
کل جماعتی حریت کانفرنس کے رہنما ایڈوکیٹ دیویندر سنگھ بہل نے جموں میں جاری ایک بیان میں کہا کہ بھارت کے ظالمانہ ہتھکنڈے کشمیری عوام کو اپنی جدوجہد سے دستبردارہونے پر مجبور نہیں کرسکتے۔
مقبوضہ جموں و کشمیر کی ہائی کورٹ نے 21ماہ سے زائدعرصے تک جیل میں نظربند رہنے کے بعد کشمیری صحافی اور نیوز پورٹل کشمیر والا کے ایڈیٹر فہد شاہ کی ضمانت منظور کر لی ہے۔ بھارتی حکام نے ان کے خلاف پبلک سیفٹی ایکٹ اور غیر قانونی سرگرمیوں کی روک تھام کے کالے قوانین کے تحت مقدمہ درج کیا تھا۔ فہد شاہ کو گزشتہ سال 4فروری کوضلع پلوامہ میں ایک جعلی مقابلے کے متاثرہ خاندانوں کے بیانات شائع کرنے پر گرفتار کیا گیا تھا جو پولیس دعوئوں کے برعکس تھے۔
ہائی کورٹ نے کالے قانون پبلک سیفٹی ایکٹ کے تحت بند تین افراد کی غیر قانونی نظربندی کو بھی کالعدم قراردے دیا اور حکام کو ہدایت کی کہ انہیں فوری طور پر رہا کیا جائے۔
ادھرمقبوضہ جموں وکشمیرکو اندھیروں میں ڈبودینے والے بجلی کے بدترین بحران سے نریندر مودی کی زیر قیادت بھارتی حکومت کے جھوٹے وعدوں کی قلعی کھل گئی ہے جس نے اگست 2019میں علاقے کی خصوصی حیثیت کی منسوخی کے وقت ترقی و خوشحالی کے بلند وبانگ دعوے کئے تھے۔مقبوضہ علاقے کو آج کل بجلی کی شدید قلت کا سامنا ہے۔
ورلڈ فورم فار پیس اینڈ جسٹس کے چیئرمین ڈاکٹر غلام نبی فائی نے واشنگٹن میں ایک بیان میں جنوبی ایشیا میں پائیدار امن کو یقینی بنانے کے لئے پاکستان، بھارت اور حقیقی کشمیری قیادت کے درمیان سہ فریقی مذاکرات کے ذریعے تنازعہ کشمیرکے حل پر زور دیا۔
مشہور خبریں۔
ایران، چین اور پاکستان کے درمیان انسداد دہشت گردی مذاکرات
?️ 8 جون 2023سچ خبریں:چین کی وزارت خارجہ نے اعلان کیا کہ تہران، بیجنگ اور
جون
سویلین کا ملٹری ٹرائل: یہ کیا مذاق ہے، بلاوجہ کیس کیوں لٹکا رہے ہیں؟ جسٹس مندوخیل
?️ 17 اپریل 2025اسلام آباد: (سچ خبریں) سپریم کورٹ ائینی بینچ میں زیر سماعت فوجی
اپریل
بن سلمان کا یوکرین کی 400 ملین ڈالر کی مدد کا وعدہ
?️ 15 اکتوبر 2022سچ خبریں:سعودی عرب نے یوکرین کے لیے 400 ملین ڈالر کی انسانی
اکتوبر
قرآن مجید کی بے حرمتی کی وجی سے بنگلا دیش میں ہندو مسلم جھگڑے
?️ 20 اکتوبر 2021سچ خبریں: ہندوؤں کے مذہبی تہوار درگا پوجا کے دوران قرآن مجید
اکتوبر
ٹرانسپورٹرز کا ملک گیر ہڑتال ختم کرنے کا اعلان
?️ 19 اپریل 2025کراچی: (سچ خبریں) ٹرانسپورٹرز آف گڈز ایسوسی ایشن نے حکام سے کامیاب
اپریل
امریکی پیدوار داعش کا عراق کو تحفہ
?️ 19 جون 2023سچ خبریں:عراق کے صدر عبداللطیف الرشید نے اقوام متحدہ کے ڈپٹی سیکرٹری
جون
الیکشن کے بعد تمام سیاسی جماعتیں مل کر رول آف گیم طے کریں، بلاول
?️ 3 فروری 2024جیکب آباد: (سچ خبریں) پاکستان پیپلز پارٹی کے چیئرمین بلاول بھٹو زرداری
فروری
پاکستان کا قیام پورے خطے کے مسلمانوں کے لیئے ایک نعمت ہے: حریت رہنما
?️ 25 مارچ 2021سرینگر (سچ خبریں) مقبوضہ کشمیر کے حریت رہنما غلام محمد خان سوپوری
مارچ