سپریم کورٹ کے فیصلے نے کیا کر دیا ہے؟عون چوہدری کی زبانی

13 جولائی 2024

سچ خبریں: استحکام پاکستان پارٹی (آئی پی پی) کے رہنما عون چوہدری نے کہا ہے کہ سپریم کورٹ کے مخصوص نشستوں سے متعلق فیصلے نے ملک میں غیر یقینی کی کیفیت پیدا کر دی ہے۔

لاہور سے جاری ایک بیان میں عون چوہدری نے سپریم کورٹ کے فیصلے پر ردعمل دیتے ہوئے کہا کہ پی ٹی آئی اس کیس میں فریق نہیں تھی، لیکن پھر بھی اسے نشستیں دے دی گئیں۔

یہ بھی پڑھیں: کیا سپریم کورٹ کا فیصلہ سیاسی ہے؟خواجہ آصف کی زبانی

انہوں نے کہا کہ اس فیصلے نے ملک میں ہیجانی کیفیت پیدا کردی ہے، اور حکومت اور متاثرہ جماعتیں فیصلے کے خلاف نظرثانی کا حق محفوظ رکھتی ہیں۔

آئی پی پی کے رہنما نے مزید کہا کہ پی ٹی آئی کے ارکان اسمبلی نے جو بیانات حلفی جمع کروائے، وہ سنی اتحاد کونسل کے تھے۔ سوال یہ ہے کہ ان بیانات حلفی کی موجودگی میں انہیں کیسے تحریک انصاف کا رکن قرار دیا جا سکتا ہے؟

مزید پڑھیں: کیا سپریم کورٹ کے فیصلے میں آئین کی خلاف ورزی ہوئی ہے؟ سینیٹر عرفان صدیقی کی زبانی

ان کا کہنا تھا کہ کیس میں عدالت سے ریلیف سنی اتحاد کونسل مانگنے گئی تھی، لیکن ریلیف پی ٹی آئی کو دے دیا گیا۔