آئینی اور سیاسی میدان جنگ میں موجودہ حکومت کی کارکردگی؛فواد چوہدری کی زبانی

?️ 20 جون 2024

سچ خبریں: سابق وفاقی وزیر فواد چوہدری نے کہا ہے کہ موجودہ حکومت آئینی اور سیاسی جنگ میں پہلے ہی ناکام ہو چکی ہے۔

اپنے بیان میں فواد چوہدری نے کہا کہ حکومت کے موجودہ حالات ایسے ہیں کہ وہ کسی بھی بات پر سمجھوتہ کرنے کو تیار نہیں۔

انہوں نے کہا کہ حکومت آئینی اور سیاسی جنگ میں ناکام ہو چکی ہے، اس وقت تحریک انصاف کا فوکس اپوزیشن اتحاد پر ہونا چاہیے۔

یہ بھی پڑھیں: ایک ہی دن انتخابات: اس نتیجے پر پہنچے ہیں کہ معاملہ سیاسی عمل پر چھوڑا جائے، چیف جسٹس

سابق وفاقی وزیر نے مزید کہا کہ جب تک مولانا فضل الرحمان، جی ڈی اے، جماعت اسلامی اور محمود اچکزئی ایک ساتھ نہ ہوں، مذاکرات ممکن نہیں۔

ان کا کہنا تھا کہ پی ٹی آئی کو پہلے ان جماعتوں کے ساتھ مذاکرات کرنے چاہئیں اور اس کے بعد حکومت سے بات چیت کرنی چاہیے۔

فواد چوہدری نے یہ بھی کہا کہ پی ٹی آئی کی موجودہ قیادت کی سیاسی حکمت عملی واضح نہیں ہو سکی۔

مزید پڑھیں: عمران خان کی ’موجودہ بحرانوں‘ کے درمیان وزیر اعظم، وزیر خارجہ کے غیر ملکی دوروں پر کڑی تنقید

انہوں نے کہا کہ بانی پی ٹی آئی اور بشریٰ بی بی کافی عرصے سے جیل میں ہیں، عوامی حمایت کے باوجود مطلوبہ نتائج حاصل نہیں ہو رہے۔