9 مئی کے واقعات کے بارے میں رانا ثناءاللہ کا بیان

🗓️ 6 جولائی 2024

سچ خبریں: وزیر اعظم کے مشیر رانا ثناءاللہ کا کہنا ہے کہ ملکی مسائل کا حل صرف مذاکرات میں ہے، اگر پی ٹی آئی کہتی ہے کہ 9 مئی کی سازش میں وہ ملوث نہیں تو آئیں بیٹھ کر بات کریں۔

ڈان نیوز کے پروگرام ‘لائیو ود عادل شاہ زیب’ میں گفتگو کرتے ہوئے رانا ثنا اللہ نے کہا کہ مذاکرات ایک جمہوری تقاضا ہے اور اس سے انکار نہیں کیا جا سکتا، انہوں نے کہا کہ ہم پہلے بھی مذاکرات کے لیے تیار تھے اور آج بھی یہی مؤقف ہے۔

یہ بھی پڑھیں: فواد چوہدری کا پی ٹی آئی اور اسٹیبلشمنٹ کے مذاکرات پر حیرانی کا اظہار

عمران خان کی رہائی کے سوال پر رانا ثنا اللہ نے کہا کہ بانی پی ٹی آئی کو حق حاصل ہے کہ وہ باہر آنے کی پوری کوشش کریں، اور ان کے باہر آنے سے کوئی بڑا مسئلہ پیدا نہیں ہوگا۔

انہوں نے مزید کہا کہ اگر پی ٹی آئی سمجھتی ہے کہ 9 مئی کی سازش میں ان کا کوئی کردار نہیں تھا تو وہ مذاکرات کی میز پر آئیں۔ اگر پی ٹی آئی نے کچھ سوچ رکھا ہے تو ہم نے بھی اپنی تیاری مکمل کر رکھی ہے۔

ملک میں مہنگائی اور بجلی کی بڑھتی ہوئی قیمتوں کے حوالے سے رانا ثنا اللہ نے کہا کہ عوام کو سب کچھ معلوم ہے اور وہ مشکلات برداشت کریں گے۔

مزید پڑھیں: لاہور: 9 مئی کے پرتشدد واقعات میں ملوث ملزمان کےخلاف چارج شیٹ نامکمل قرار

آپریشن عزم استحکام کے بارے میں ان کا کہنا تھا کہ یہ وقت کی ضرورت ہے۔