پارٹی چھوڑ کر جانے والوں کے بارے میں پی ٹی آئی کا فیصلہ

?️ 3 جولائی 2024

سچ خبریں: تحریک انصاف کے سکریٹری اطلاعات رؤف حسن نے کہا ہے کہ کور کمیٹی کے اجلاس میں یہ فیصلہ کیا گیا ہے کہ پارٹی چھوڑ کر جانے والوں کو واپس نہیں لیا جائے گا۔

جیو نیوز کے پروگرام "کیپیٹل ٹاک” میں گفتگو کرتے ہوئے رؤف حسن نے بتایا کہ فواد چوہدری کو پارٹی سے برطرفی کا خط جاری کر دیا گیا ہے اور اب اخلاقی طور پر وہ تحریک انصاف پر تنقید نہیں کر سکتے۔

یہ بھی پڑھیں: کیا پی ٹی آئی اختلافات کا شکار ہے؟شوکت یوسفزئی کی زبانی

انہوں نے مزید کہا کہ کور کمیٹی کے اجلاس میں یہ فیصلہ کیا گیا ہے کہ جو لوگ پارٹی چھوڑ کر گئے ہیں، انہیں دوبارہ شامل نہیں کیا جائے گا۔

یاد رہے کہ دو روز قبل تحریک انصاف کی کور کمیٹی نے اعلان کیا تھا کہ فواد چوہدری سمیت جو بھی پارٹی قیادت پر تنقید کرتا ہے اسے سخت جواب دیا جائے گا۔

مزید پڑھیں: چیئرمین پی ٹی آئی کو تنہا کرنے کیلئے حکومتی مؤقف میں سختی، مذاکرات کا دروازہ پھر بھی کھلا

کمیٹی کا کہنا تھا کہ مشکل وقت میں پارٹی چھوڑنے والوں کے پاس پارٹی معاملات پر تبصرہ کرنے کا کوئی اخلاقی جواز یا اختیار نہیں لہذا انہیں ایسا کرنے سے پرہیز کرنا چاہیے۔