مسجد نبوی کے امام کی پاکستان کے لیے دعائیں

🗓️ 10 اگست 2024

سچ خبریں: صوبہ سندھ کے گورنر کامران ٹیسوری نے کہا ہے کہ مسجد نبوی کے امام الشیخ ڈاکٹر صلاح بن محمد البدیر کی دعاؤں کے نتیجے میں پاکستان کے حالات ضرور بہتر ہوں گے۔

مسجد نبوی ﷺ کے امام، الشیخ ڈاکٹر صلاح بن محمد البدیر، اپنے 7 روزہ خیرسگالی دورے پر پاکستان تشریف لائے ہیں، جہاں آج انہوں نے سندھ ہاؤس اسلام آباد میں گورنر سندھ کامران ٹیسوری سے ملاقات کی۔

یہ بھی پڑھیں: مسجد النبی کے امام پاکستان کے دورے پر

اسلام آباد میں میڈیا سے گفتگو کرتے ہوئے، گورنر سندھ کامران ٹیسوری نے کہا کہ یہ ہمارے لیے بڑے اعزاز کی بات ہے کہ امام مسجد نبوی ﷺ یہاں تشریف لائے۔

انہوں نے پاکستان کی معیشت کی بہتری اور قومی سلامتی کے لیے خصوصی دعائیں کی ہیں۔

کامران ٹیسوری نے امید ظاہر کی کہ یہ دعائیں ضرور قبول ہوں گی اور اس کے نتیجے میں پاکستان کے حالات بدلیں گے۔

انہوں نے سعودی حکومت، سعودی سفیر، اور امام مدینہ کا شکریہ ادا کیا۔

مزید بات کرتے ہوئے گورنر سندھ نے کہا کہ گورنر ہاؤس کے دروازے عام شہریوں کے لیے کھلے ہیں۔ گورنر ہاؤس کو یونیورسٹی بنانے کا دعویٰ کسی اور کا تھا، لیکن ہم نے جو وعدہ کیا، اسے پورا کر کے دکھایا۔

مزید پڑھیں: اسلامی نظریاتی کونسل کی مسجد نبوی ﷺ واقعے کی مذمت

انہوں نے یہ بھی بتایا کہ سعودی حکومت پاکستان کے ساتھ کھڑی ہے، اور حیدرآباد میں آئی ٹی یونیورسٹی کی تعمیر جاری ہے۔ لیپ ٹاپ اور مفت راشن کی تقسیم کا سلسلہ بھی جاری رہے گا۔