ملک کا نام روشن کرنے والے قومی ہیرو کی کامیابی پر حکومت اور اپوزيشن دونوں خوش

?️ 10 اگست 2024

سچ خبریں: پاکستان کا نام روشن کرنے والے قومی ہیرو ارشد ندیم کی کامیابی پر حکومت اور اپوزیشن دونوں نے خوشی کا اظہار کیا ہے۔

قومی اسمبلی نے متفقہ طور پر ارشد ندیم کو خراج تحسین پیش کرنے کی قرارداد منظور کر لی ہے۔

اولمپکس میں نیا ریکارڈ قائم کرنے اور پاکستان کا نام روشن کرنے والے قومی ہیرو ارشد ندیم کی کامیابی پر حکومت اور اپوزیشن دونوں نے خوشی کا اظہار کیا ہے۔

یہ بھی پڑھیں: وزیر اعلیٰ پنجاب کا ارشد ندیم کو تحفہ

اس سلسلے میں قومی اسمبلی میں ارشد ندیم کو خراج تحسین پیش کرنے کی قرارداد وفاقی وزیر قانون اعظم نذیر تارڑ نے پیش کی، جسے متفقہ طور پر منظور کر لیا گیا۔

قرارداد میں قومی ہیرو ارشد ندیم کو اعلیٰ ترین ایوارڈ سے نوازنے کی بھی سفارش کی گئی ہے۔

قومی اسمبلی میں بلاول بھٹو، خواجہ آصف، اور اپوزیشن لیڈر عمر ایوب نے بھی ارشد ندیم کی شاندار کارکردگی پر خراج تحسین پیش کیا۔

دوسری جانب، کراچی میں ایک تقریب کے دوران وزیراعظم شہباز شریف نے بھی ارشد ندیم کے کارنامے کو سراہا۔

یاد رہے کہ پیرس اولمپکس میں گزشتہ شب مینز جیولین تھرو ایونٹ کے فائنل میں ارشد ندیم نے 92.97 میٹر کی تھرو کے ساتھ پاکستان کو 40 سال بعد گولڈ میڈل جتوایا اور نیا اولمپک ریکارڈ بھی قائم کیا، جبکہ بھارت کے نیرج چوپڑا نے سلور میڈل حاصل کیا۔

ارشد ندیم پاکستان کے پہلے ایتھلیٹ بن گئے ہیں جنہوں نے انفرادی مقابلوں میں گولڈ میڈل جیتا ہے۔

اس سے قبل پاکستان نے 1984 میں ہاکی ٹیم کے ذریعے اولمپکس میں گولڈ میڈل جیتا تھا۔

مزید پڑھیں: ارشد ندیم کی تاریخی کامیابی پر قومی اسمبلی کا ردعمل

اگر آخری اولمپک میڈل کی بات کی جائے تو پاکستان نے 1992 کے بارسلونا اولمپکس میں نیدرلینڈز کو شکست دے کر کانسی کا تمغہ جیتا تھا، جس کے بعد یہ 32 سال کا طویل انتظار تھا۔