حکومت کے خلاف عالمی سطح پر بہت بڑی سازش ہو رہی ہے:مراد سعید

?️

اسلام آباد(سچ خبریں)  وفاقی وزیر مواصلات مراد سعید نے کہا کہ حکومت کے خلاف عالمی سطح پر بہت بڑی سازش ہو رہی ہے ،  جب آپ آزاد اور خود مختار خارجہ پالیسی بناتے ہیں تو پھر قیمت تو چکانی پڑتی ہے ۔

اسلام آباد میں پریس کانفرنس سے خطاب کرتے ہوئے انہوں نے کہاکہ اقوام متحدہ کی جنرل اسمبلی نے اسلاموفوبیا کے خلاف قرار داد منظور کی جو او آئی سی نے پیش کی اور پاکستان نے متعارف کرائی، اقوام متحدہ کی طرف سے اسلامو فوبیا کے خلاف 15 مارچ کوعالمی دن قرار دینا ایک وزیراعظم عمران خان اور پاکستان کی تاریخی کامیابی ہے جس پر قوم اور امت مسلمہ کو مبارکباد پیش کرتے ہیں اور امت مسلمہ بھی وزیراعظم عمران خان سے اظہار تشکر کر رہی ہے.

مراد سعید نے کہا کہ وزیراعظم عمران خان اسلامو فوبیا کے خلاف امت مسلمہ کے ترجمانی کی اور آزادی اظہار کی آڑ میں اربوں مسلمانوں کی دل آزاری کے خلاف ایک مضبوط آواز بنے، اسلامو فوبیا کے خلاف مقدمہ صرف وزیراعظم عمران خان نے لڑا. مراد سعید نے کہا کہ ماصی میں جب ڈرون حملوں میں معصوم بچے شہید ہو رہے تھے اس وقت آصف علی زرداری امریکا میں سی آئی اے کے ڈائریکٹر سے ملاقات کر رہا تھا اور یہ خود کو لبرل اور عمران خان کو مذہبی رہنما کے طور پر پیش کرتے تھے.

انہوں نے کہا کہ اس وقت بھیعمران خان ہی تھا جس نے ڈرون حملوں کے خلاف مارچ کیا،آصف زرداری تو امریکا سے کہہ رہے تھے کہ ہمیں ڈرون حملوں سے کوئی مسئلہ نہیں ہے جبکہ عمران خان یہ مقدمہ پوری دنیا کے سامنے لے کر گئے اور دنیا کو بتایا کہ ڈرون حملوں سے دہشت گردی میں اضافہ ہوا ہے. مراد سعید نے کہا کہ جب وزیراعظم عمران خان نے امریکا کو اڈے دینے سے صاف انکار کر دیا، اس وقت بھی اپوزیشن کہتی ہے وزیراعظم کو واضح انکار کرنے کی کیا ضرورت تھی.

مراد سعید نے کہا کہ جب وزیر اعظم نے یورپی یونین سے مقبوضہ کشمیر میں مودی کے مظالم پر سوال پوچھا تو اس سے بھی اپوزیشن کو تکلیف ہوتی ہے اور اپوزیشن جماعتیں اکٹھی ہو کر وزیراعظم کے یورپی یونین سے سوال کے خلاف قرارداد کے آتے ہیں. انہوں نے کہا کہ جب اسلام کو دہشت گردی سے جوڑنے کے لئے پروپیگنڈا کیا گیا یہ اس وقت بھی خاموش تھے، اور عمران خان کے سچ بولنے سے پروپیگنڈا دم توڑ گیا اور اب وزیراعظم عمران خان عالم اسلام کو متحد کرکے اسلام آباد لا رہے ہیں اور او آئی سی کا اہم اجلاس ہونے جا رہا ہے تو فضل الرحمان نے 23 مارچ کو اسلام آباد آنے کا اعلان کر دیتے ہیں.

مراد سعید نے کہا کہ سندھ ہاﺅس ضمیر فروشی کا مرکز بنا ہوا ہے میں پوچھتا ہوں کہ سندھ کے عوام کو پینے کے لئے پانی نہیں مل رہا تو وفا داریاں تبدیل کرانے کے لیے پیسہ کہاں سے آ رہا ہے؟. مراد سعید نے کہا کہ پاکستان پر مسلط ان سیاسی خاندانوں نے پاکستانی عوام کا خون چوس کر بیرون ملک جائیدادیں بنائیں آج جب ان سے حساب مانگا جاتا ہے تو سارے چور اکٹھے ہو گئے ہیں انہوں نے کہا کہ فیصل آباد کے ایم این اے کی ضمیر فروشی پر اس کے حلقہ کے عوام سراپا احتجاج ہیں.

مراد سعید نے کہا کہ وزیراعظم عمران خان نے قوم کو ایک سوچ دی ہے اقتدار ہماری ترجیحات میں شامل نہیں ہے،سیاسی سرکس لگانے والے کوئی معنی نہیں رکھتے وفاقی وزیر مواصلات نے کہا کہ اسلامو فوبیا کے خلاف عالمی دن مقرر ہونے پر قوم آج یوم تشکر منارہی ہے.

مشہور خبریں۔

فلسطینیوں کی نسل کشی کے بارے میں صیہونی نظریہ

?️ 2 نومبر 2023سچ خبریں: ایک عرب محقق نے اپنے ایک کالم میں صیہونیت کے

صہیونی متحدہ عرب امارات کی حمایت کرنے سے عاجز

?️ 1 فروری 2022سچ خبریں: عبدالباری عطوان نے اسرائیلی صدر اسحاق ہرزوگ کے حالیہ دورہ متحدہ

کورونا: اسد عمر نے سخت پابندیاں لگانے کا انتباہ دے دیا

?️ 18 مارچ 2021اسلام آباد(سچ خبریں) پاکستان میں کورونا وائرس کے کیسز میں  تیزی سےاضافہ

نتین یاہو بائیڈن سے بات کیوں نہیں کر رہے ہیں؟

?️ 12 فروری 2024سچ خبریں: صیہونی وزیر اعظم کا دعویٰ ہے کہ حماس کی کاروائیوں

تقسیم کار کمپنیاں بجلی چوری یا لائن لاسز کا ذمہ دار تمام صارفین کو نہیں ٹھہرا سکتیں، سندھ کابینہ

?️ 12 اکتوبر 2024کراچی: (سچ خبریں) سندھ کابینہ نے تقسیم کار کمپنیوں (ڈسکوز) کی جانب

ہم غزہ میں کسی بھی فریق کی موجودگی کو قابض سمجھتے ہیں: حماس

?️ 16 فروری 2025سچ خبریں: حماس تحریک کے سینیئر رہنما اسامہ حمدان نے الجزیرہ نیٹ ورک

آئینی ترمیم پر اتفا ق رائے کی کوشش، وزیراعظم شہباز شریف کی مولانا فضل الرحمان سے اہم ملاقات

?️ 18 اکتوبر 2024اسلام آباد: (سچ خبریں) مجوزہ26ویں آئینی ترمیم پر اتفاق رائے اور قومی اسمبلی و سینیٹ سے

عمران خان کی گرفتاری کے بعد احتجاج کے مقدمے میں 10 مجرمان کی سزا معطل، رہائی کا حکم

?️ 31 جنوری 2025اسلام آباد: (سچ خبریں) اسلام آباد ہائیکورٹ نے 10 مئی احتجاج پر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے