24 گھنٹے میں کورونا سے مزید 78مریض انتقال کر گئے

?️ 14 ستمبر 2021

اسلام آباد(سچ خبریں) اگرچہ ملک بھر میں کورونا وائرس کے یومیہ کیسز میں معمولی کمی دیکھنے میں آرہی ہے تاہم  گزشتہ 24 گھنٹے کے دوران اس وباء سے مزید   78مریض انتقال کر گئے اور  2 ہزار سے زائد نئے کیسز رپورٹ کیے گئے صحت یاب مریضوں کی مجموعی تعداد 10 لاکھ 97 ہزار 416 ہوگئی۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 78 مریض انتقال کر گئے جس کے بعد کرونا وائرس سے مجموعی اموات کی تعداد 26 ہزار 865 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 2 ہزار 580 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 12 لاکھ 10 ہزار 82 ہوگئی۔ملک میں کورونا وائرس سے صحت یاب مریضوں کی مجموعی تعداد 10 لاکھ 97 ہزار 416 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 47 ہزار 419 ٹیسٹ کیے گئے، اب تک ملک میں 1 کروڑ 85 لاکھ 68 ہزار 658 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 5.44 فیصد رہی، ملک بھر کے 631 اسپتالوں میں کرونا وائرس کے 5 ہزار 304 کیسز تشویشناک حالت میں ہیں۔ملک میں اب تک 5 کروڑ 13 لاکھ 90 ہزار 802 افراد کو ویکسین کی ایک ڈوز جبکہ 2 کروڑ 19 لاکھ 62 ہزار 455 افراد کو ویکسین کی دونوں ڈوزز لگائی جا چکی ہیں۔