کیا جماعت اسلامی اور حکومت کے درمیان مذاکرات ہوں گے؟

?️ 7 اگست 2024

سچ خبریں: امیر جماعت اسلامی حافظ نعیم الرحمان نے حکومت پر مذاکرات میں سنجیدگی نہ دکھانے کا الزام عائد کیا ہے۔

بجلی کے بلوں میں اضافی ٹیکسز اور مہنگائی کے خلاف جماعت اسلامی کا راولپنڈی کے لیاقت باغ میں دھرنا بارہویں روز بھی جاری رہا۔

یہ بھی پڑھیں: جماعت اسلامی کا دھرنا کب تک جاری رہے گا؟

دھرنے سے خطاب کرتے ہوئے حافظ نعیم الرحمان نے کہا کہ ان سے مذاکرات کرنے والی حکومتی کمیٹی کا کہیں پتہ نہیں ہے۔

انہوں نے کہا کہ حکومت سنجیدہ دکھائی نہیں دے رہی اور حکومتی کمیٹی کو تلاش کر کے بازیاب کروایا جائے۔

حافظ نعیم الرحمان نے کہا کہ جماعت اسلامی کے تمام مطالبات قابلِ عمل ہیں اور حکومت کو انہیں تسلیم کرنا چاہیے۔

مزید پڑھیں: حافظ نعیم الرحمان کا حکومت کو انتباہ

انہوں نے اعلان کیا کہ 8 اگست کو دھرنے کے شرکا مری روڈ پر مارچ کریں گے۔