کورونا : ملک بھر میں  کیسز میں تیزی سے اضافہ

?️ 8 جنوری 2022

اسلام آباد(سچ خبریں)عالمی وباء کورونا وائرس کی نئی قسم اومی کرون کا قہر جاری ہے ملک بھر میں کورونا وائرس کیسز میں اضافہ دیکھا جارہا ہے، ایک روز کے دوران کورونا وائرس کے 1300 سے زائد نئے کیسز رپورٹ ہوئے جبکہ مثبت کیسز کی شرح 2.89 فیصد ہوگئی۔ ملک میں کووڈ 19 کے مجموعی کیسز کی تعداد 13 لاکھ 2 ہزار 486 ہوگئی۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے باعث 1 مریض کی ہلاکت ہوئی جس کے بعد کرونا وائرس سے مجموعی اموات کی تعداد 28 ہزار 962 ہوگئی۔این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 13 سو 45 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 13 لاکھ 2 ہزار 486 ہوگئی۔

ملک میں کرونا وائرس سے صحت یاب مریضوں کی مجموعی تعداد 12 لاکھ 58 ہزار 332 ہوچکی ہے۔این سی او سی کے مطابق گزشتہ 24 گھنٹوں کے دوران کرونا وائرس کے 46 ہزار 537 ٹیسٹ کیے گئے، اب تک ملک میں 2 کروڑ 37 لاکھ 52 ہزار 912 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 2.89 فیصد رہی، ملک بھر کے 631 اسپتالوں میں کرونا وائرس کے 629 مریض تشویشناک حالت میں ہیں۔ملک میں اب تک 9 کروڑ 94 لاکھ 54 ہزار 273 افراد کو ویکسین کی ایک ڈوز جبکہ 7 کروڑ 38 لاکھ 62 ہزار 234 افراد کو ویکسین کی دونوں ڈوزز لگائی جا چکی ہیں۔