پاکستان

ڈالر کی قیمت میں اضافہ

08
ستمبر

?️ 8 ستمبر 2022

کراچی: (سچ خبریں) ایف اے پی کے جاری کردہ ریٹس کے مطابق آج انٹربینک مارکیٹ میں روپے کے مقابلے ڈالر کی قیمت میں اضافے کا رجحان برقرار ہے۔

انٹربینک میں ڈالر2 روپے8 پیسے کے اضافے سے 225 روپے 50 پیسے پر پہنچ گیا. ڈالر کی قیمت میں اضافے کا سلسلہ جاری ہے انٹربینک میں ڈالر 2روپے8پیسے مہنگا ہوگیا فاریکس ڈیلرز ایسوسی ایشن کے مطابق انٹربینک میں ڈالر225روپے50پیسے پر ٹریڈ ہو رہا ہے.
گزشتہ روز بھی انٹربینک میں ڈالر دو روپے کے بڑے اضافے کے بعد 223روپے42 پیسے پر بند ہوا تھا اس سے ایک روز قبل بھی ڈالر مہنگا ہونے کا رجحان دیکھا گیا تھا منگل کوڈالر کی قیمت میں ایک روپے 56 پیسے اضافہ ہواتھا گزشتہ روزمارکیٹ کی صورتحال پرفاریکس ایسوسی ایشن آف پاکستان کے چیئرمین ملک بوستان کا کہنا تھا کہ ڈالر عالمی سطح پر مستحکم ہو رہا ہے، گزشتہ چند ہفتوں میں دنیا کی 40 کرنسیوں کے مقابلے میں اس کی قدر میں اضافہ ہوا ہے اور اس پیش رفت کے اثرات پاکستان کی کرنسی مارکیٹ میں بھی دیکھے جا رہے ہیں.
ملک بوستان کا کہنا تھا کہ اوپن مارکیٹ میں روپیہ 8 روپے مہنگا ہے، انہوں نے حکومت پر زور دیا کہ وہ اس فرق کو کم کرنے کے لیے اقدامات کرے انہوں نے کہا کہ حکومت کو اپنے سفارتی ذرائع کا استعمال کرتے ہوئے متحدہ عرب امارات کی حکومت کے اس قانون کو ختم کرنے کے لیے مذاکرات کرنے چاہیں جس کے تحت پاکستان سے آنے والے تمام مسافروں کو 5 ہزار درہم نقد رقم لے جانے کا پابند کیا گیا ہے.
انہوں نے کہا کہ اگر دوست ممالک کی جانب سے اعلان کردہ 4 ارب ڈالر فوری طور پر پاکستان کو مل جاتے ہیں تو اس سے روپے پر دباﺅکم ہوگا اور اس کی قدر کو مستحکم کرنے میں مدد ملے گی بدھ کے روز ابتدائی ٹریڈنگ کے دوران روپے کی قدر میں ایک روپے 78 پیسے کی کمی واقع ہوئی صبح 11 بج کر 26 منٹ کے قریب، کل کے 223روپے 42 پیسے کے کلوزنگ ریٹ کے مقابلے میں ڈالر 225روپے 20 پیسے پر ٹریڈ ہو رہا تھا گزشتہ سیشن میں بھی روپے کے مقابلے ڈالر کی قدر میں 2 روپے کا اضافہ دیکھا گیا تھا۔

Short Link

Copied