ڈالر کی اڑان رک نہ سکی

?️

اسلام آباد: (سچ خبریں) روپے کی قدر میں کمی کا سلسلہ آج بھی جاری رہا جب انٹربینک مارکیٹ میں صبح تجارت کے دوران ڈالر کے مقابلے میں روپیہ مزید ایک روپے 9 پیسے گر گیا۔

فاریکس ایسوسی ایشن آف پاکستان کے مطابق صبح 11 بج کر 45 منٹ پر مقامی کرنسی 239 روپے فی ڈالر پر ٹریڈ ہو رہی تھی، گزشتہ روز 237.91 روپے پر بند ہونے کے بعد یہ آج 0.45 فیصد کی کمی ظاہر کرتی ہے۔

یہ کمی روپے کو اس کی قدر میں 28 جولائی کو 239 روپے 94 پیسے کی اب تک کی کم ترین سطح کے نزدیک لے آئی ہے۔

جنرل سیکریٹری ایکسچینج کمپنیز ایسوسی ایشن آف پاکستان ظفر پراچہ نے روپے کی گراوٹ کا ذمہ دار بینکوں کی قیاس آرائیوں کو ٹھہراتے ہوئے دعویٰ کیا کہ انہوں نے 2 ماہ میں ایک سال کا منافع کما لیا ہے۔

انہوں نے اسٹیٹ بینک آف پاکستان پر زور دیا کہ وہ چند ایکسچینج کمپنیوں کے خلاف اقدامات کے بجائے بینکوں کے خلاف کارروائی کرے۔

ظفر پراچہ نے حکومت سے افغانستان اور ایران کے ساتھ تجارت اور امیگریشن پالیسیوں پر نظرثانی کرنے کا مطالبہ کرتے ہوئے کہا کہ وہ ہمارے غیر ملکی ذخائر اور محصولات کو کھا رہے ہیں۔

انہوں نے کہا کہ مارکیٹ میں ڈالر کی کمی ہے جس کی وجہ سے ایکسچینج کمپنیز ایسوسی ایشن نے فروخت ہونے والے ڈالر کی مقدار کو محدود کرنے کا فیصلہ کیا ہے، اس سے انٹربینک اور اوپن مارکیٹ میں نرخوں کے فرق میں اضافہ روکنے میں مدد ملے گی۔

انہوں نے بتایا کہ عالمی مالیاتی فنڈ (آئی ایم ایف) کی جانب سے قرض کے اجرا کے بعد سعودی عرب نے ایک سال کے لیے 3 ارب ڈالر کے قرضے کا اعلان کیا اور ایشیائی ترقیاتی بینک (اے ڈی بی) نے کہا کہ وہ غذائی تحفظ، تعلیم اور بحالی کے پروگرام پر کام کر رہا ہے۔

انہوں نے کہا کہ اس مثبت پیش رفت کے تناظر میں ہم توقع کرتے ہیں کہ روپے کی قدر میں اضافہ شروع ہو جائے گا، اس امید کو اسٹیٹ بینک کے مضبوط کنٹرول اور فعال اقدامات سے تقویت ملی ہے۔

چیف ایگزیکٹو الفا بیٹا کور خرم شہزاد نے کہا کہ عالمی مارکیٹ میں اہم کرنسیوں کے مقابلے میں ڈالر کی مضبوطی کے باعث روپے کی قدر میں کمی ہوئی ہے۔

انہوں نے کہا کہ ’سیلاب کے سبب اہم فصلوں کی بڑے پیمانے پر تباہی کی وجہ سے زراعت اور خوراک کے شعبے میں زیادہ درآمدات نے روپے پر مزید دباؤ ڈالا ہے‘۔

دریں اثنا صدر کراچی چیمبر آف کامرس ادریس میمن نے ڈالر کی قیمت آئے روز بڑھنے پر تشویش کا اظہار کرتے ہوئے کہا کہ صنعتی خام مال کی لاگت مسلسل بڑھ رہی ہے جس سے برآمدات مہنگی ہوں گی، اس کے منفی اثرات برآمدات کے اہداف کو متاثر کریں گے اور عالمی مسابقت میں ہم پیچھے رہ جائیں۔

انہوں نے مطالبہ کیا کہ وزیر خزانہ مفتاح اسمعٰیل فوری طور پر اسٹیک ہولڈرز سے مشاورت کے لیے اجلاس طلب کریں، بڑھتا تجارتی خسارہ ہماری مشکلات مزید بڑھادے گا، امپورٹ کو کم کرنے کے لیے جامع پالیسی بنانا ہوگی، ڈالر کی قیمت کو ایک سطح پر روکنا ہوگا۔

واضح رہے کہ روپیہ 2 ستمبر سے مسلسل خسارے کا شکار ہے، مالیاتی ڈیٹا اور تجزیاتی پورٹل میٹس گلوبل کی جانب سے مرتب کردہ اعداد و شمار سے ظاہر ہوتا ہے کہ یکم جولائی سے روپے کی قدر میں 13.9 فیصد یا 33 روپے کی کمی ہوئی ہے۔

گزشتہ 52 ہفتوں کے دوران ڈالر کے مقابلے میں روپے کی قدر میں 29.17 فیصد کی کمی ہوئی ہے، یہ 28 جولائی کو 239 روپے 94 پیسے کی کم ترین سطح پر پہنچ گیا تھا۔

مشہور خبریں۔

طلبی کا نوٹس ملنے کی تصدیق کیلئے نیب ٹیم کا عمران خان کی رہائش گاہ کا دورہ

?️ 25 فروری 2023اسلام آباد:(سچ خبریں) قومی احتساب بیورو (نیب) راولپنڈی کے حکام نے توشہ

آصف علی زرداری نے خیبرپختونخوا میں گورنر راج کے امکان کو مسترد کردیا

?️ 17 مئی 2024اسلام آباد: (سچ خبریں) صدر آصف علی زرداری نے گورنر خیبرپختونخوا فیصل

افغانستان غلامی کی زنجیریں توڑنے میں کامیاب ہو گیا ہے:وزیراعظم

?️ 16 اگست 2021اسلام آباد ( سچ خبریں) وزیراعظم عمران خان نے کہا ہے کہ

واٹس ایپ میں ’چیٹ لاکس‘ کو بہتر بنانے کا فیچر پیش کرنے کا امکان

?️ 10 اکتوبر 2023سچ خبریں: دنیا کی سب سے بڑی انسٹنٹ میسیجنگ ایپلی کیشن واٹس

پی ٹی آئی کے سابق رہنما راجا ریاض کا مسلم لیگ(ن) میں شمولیت کا اعلان

?️ 17 ستمبر 2023اسلام آباد:(سچ خبریں) پاکستان تحریک انصاف (پی ٹی آئی) کے سابق رہنما

سرینگر: متحدہ مجلس علماء“ کی گستاخانہ خاکے کی مذمت، مجرم طالب علم کیخلاف فوری کارروائی کا مطالبہ

?️ 6 جون 2024سرینگر: (سچ خبریں) بھارت کے غیر قانونی زیر قبضہ جموں وکشمیر میں

بھارت کو آبی جارحیت کا جواب قومی سلامتی کمیٹی کے فیصلے کے مطابق دیں گے، وزیراعظم

?️ 5 جون 2025اسلام آباد: (سچ خبریں) وزیراعظم محمد شہباز شریف نے کہا ہے کہ

مغربی کنارے میں صیہونیوں کے ہاتھوں 13 فلسطینی گرفتار

?️ 3 فروری 2022سچ خبریں:فلسطینی ذرائع نے اسرائیلی فورسز کے ہاتھوں متعدد دیگر فلسطینیوں کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے