پاکستان و چین کا ٹیکنالوجی کی منتقلی اور مہارت کے فروغ کا تاریخی معاہدہ

?️

اسلام آباد: (سچ خبریں) پاکستان اور چین کے درمیان ٹیکنالوجی منتقلی اور صنعتی مہارت کے فروغ کے لیے 5 سالہ تاریخی معاہدہ طے پا گیا۔ تفصیلات کے مطابق اسپیشل انویسٹمنٹ فسیلیٹیشن کونسل ( ایس آئی ایف سی ) کے تحت سامنے آنے والی یہ پیشرفت پاکستان اور چین کے درمیان صنعتی تعاون کا حصہ ہے جس کا مقصد ملکی صنعت کو جدید خطوط پر استوار کرنا ہے، معاہدہ پاکستان انڈسٹریل سیونگ مشینز امپورٹرز اینڈ ڈیلرز ایسوسی ایشن اور چین کی گوانگ ڈونگ شو میکنگ مشینری ایسوسی ایشن کے درمیان طے پایا۔

بتایا گیا ہے کہ اس معاہدے کے تحت آئندہ 5 سالوں میں پاکستان میں جوتا سازی، چمڑے اور گارمنٹس کے شعبوں میں جدید ترین چینی مشینری اور ٹیکنالوجی متعارف کرائی جائے گی، اس معاہدے کو پاکستان کی برآمدی صنعت خصوصاً فٹ ویئر اور گارمنٹس سیکٹر میں معیار اور پیداواری صلاحیت میں اضافے کا باعث قرار دیا جارہا ہے، جس سے روزگار کے مواقع بھی پیدا ہوں گے، معاہدہ مقامی صنعتکاروں اور برآمدکنندگان کے لیے ترقی کا نیا دروازہ کھولنے کا باعث بنے گا۔

علاوہ ازیں پاکستان اور چین کے درمیان جدید ترین دفاعی ساز و سامان کی خریداری کا معاہدہ بھی طے پایا ہے، جس کے تحت پاکستان چین سے 40 ففتھ جنریشن جے 35 اسٹیلتھ فائٹر طیارے، کے جے 500 اواکس طیارے اور ایچ کیو 19 میزائل ڈیفنس سسٹم حاصل کرے گا، معاہدے کے تحت پاکستان کا دفاعی نظام مزید ناقابل تسخیر بنے گا جب کہ پاک فضائیہ کی فضاوں پر گرفت اور خطے میں اس کی برتری میں غیر معمولی اضافہ متوقع ہے۔

بتایا جارہا ہے کہ یہ معاہدہ شنیانگ ائیر کرافٹ کارپوریشن کے تیار کردہ جے 35 کی عالمی مارکیٹ میں پہلی برآمد ہوگا، یہ طیارہ اپنی جدید اسٹیلتھ صلاحیتوں کی بدولت دشمن کے فضائی علاقے میں گھسنے کی صلاحیت رکھتا ہے، جے 500 اواکس طیارہ اپنے کمپیکٹ سائز کی وجہ سے پاکستان کی فضائی نگرانی کی صلاحیتوں کو نا صرف مضبوط کرے گا اور علاقائی جھڑپوں کے دوران بہتر طریقے دفاع بھی فراہم کرےگا، اسی طرح، ایچ کیو 19 میزائل دفاعی نظام پاکستان کی بیلسٹک میزائلوں سے دفاع کی صلاحیتوں کو نمایاں طور پر بہتر بنائے گا۔

مشہور خبریں۔

روس توانائی کو بطور ہتھیار استعمال کر رہا ہے:جرمنی کے صدراعظم

?️ 20 جولائی 2022سچ خبریں:جرمنی کے چانسلر نے ایک تقریر میں دعویٰ کیا کہ روس

اے آئی فیچرز سے لیس سام سنگ کا فون متعارف

?️ 4 جولائی 2025سچ خبریں: اسمارٹ فونز بنانے والی جنوبی کورین کمپنی سام سنگ نے

صیہونی حکومت کے ساتھ حالیہ جنگ میں ہمارے جنگجووں کو فخر: زیاد النخالہ

?️ 18 مئی 2023سچ خبریں:فلسطین کی اسلامی جہاد تحریک کے سیکرٹری جنرل زیاد النخالہ نے

آئندہ پی ایس ڈی پی میں صرف اڑان پاکستان سے متعلق منصوبے شامل ہونگے، سیکریٹری فوڈ سیکیورٹی

?️ 6 فروری 2025اسلام آباد: (سچ خبریں) قومی اسمبلی قائمہ کمیٹی برائے قومی تحفظ خوراک

نگران وزیر اعلیٰ سندھ کی صوبے میں انسداد ملیریا مہم شروع کرنے کی ہدایت

?️ 28 اگست 2023اسلام آباد:(سچ خبریں) نگران وزیر اعلیٰ سندھ جسٹس ریٹائرڈ مقبول باقر نے

گوگل ڈیٹا چوری کرنے کے مقدمے میں پیسے دینے پر رضامند

?️ 30 دسمبر 2023سچ خبریں: انٹرنیٹ سرچ انجن کی سب سے معروف ویب سائٹ گوگل

افغانستان میں خواتین کے مسائل کے حل کے لیے امید افزا نشانیاں ہیں: اقوام متحدہ

?️ 24 اگست 2022سچ خبریں:    افغانستان میں اقوام متحدہ کے مشن کے سربراہ مارکس

بشار الاسد کی سعودی وزیر خارجہ سے ملاقات میں کیا ہوا؟

?️ 19 اپریل 2023سچ خبریں:سعودی وزیر خارجہ نے دمشق میں شامی صدر بشار الاسد سے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے