پاکستان بطور ایٹمی طاقت امت مسلمہ کیساتھ کھڑا ہے۔ نائب وزیراعظم اسحاق ڈار

?️ 17 ستمبر 2025

اسلام آباد (سچ خبریں) نائب وزیراعظم اسحاق ڈار نے اپنے بیان میں کہا پاکستان بطور ایٹمی طاقت امت مسلمہ کیساتھ کھڑا ہے۔

نائب وزیراعظم اسحاق ڈارنے الجزیرہ کو انٹرویو دیتے ہوئے کہا چاہے کوئی ملک کتنا بڑا کیوں نہ ہو، پاکستان اپنی خودمختاری اور علاقائی سالمیت کی خلاف ورزی برداشت نہیں کرے گا۔

انہوں نےکہا پاکستان کےخلاف جنگ میں بھارت کو اسرائیل کی بھرپور حمایت حاصل تھی، کیا ہوا پوری دنیا نے دیکھ لیا، پاکستان ایٹمی طاقت ہوتے ہوئے خطے کے امن کو نقصان پہنچانا نہیں چاہتا، دہشت گردی کے خلاف جنگ میں پاکستان فرنٹ لائن پر رہا، پاک بھارت جنگ میں امریکا کے مثبت کردار کو سراہتے ہیں۔

مزیدکہنا تھا کہ سلامتی کونسل کی جانب سے قراردادوں کی خلاف ورزی پر ایکشن لینا چاہیے، عرب لیگ پہلے ہی مشترکہ دفاعی فورس پر بات چیت کر رہی ہے، اس کامقصد جارحیت نہیں بلکہ امن کا قیام ہونا چاہیے، غزہ کے مسئلے کا حل مذاکرات سے ہی ممکن ہے، اسرائیل مذاکرات میں سنجیدہ ہی نہیں ہے، پاکستان کےخلاف اسرائیل نے کھل کر بھارت کی حمایت کی، اسرائیل اور بھارت دو ممالک ہیں جو سلامتی کونسل کی قرار دادوں کو نہیں مانتے۔