وزیر اعلی پنجاب کا  بارشوں سے قیمتی جانوں کے ضیاع پر افسوس کا اظہار

?️ 12 ستمبر 2021

لاہور (سچ خبریں) پنجاب کے وزیرِ اعلیٰ سردار عثمان بزدار نے قدرتی آفتوں اور  بارشوں کے باعث مختلف حادثات میں قیمتی انسانی جانوں کے ضیاع پر افسوس کا اظہار کرتے ہوئے کہا ہے کہ مختلف حادثات میں جاں بحق ہونے والے افراد کے لواحقین کے غم میں برابر کے شریک ہیں۔

تفصیلات کے مطابق لاہور سے جاری کیئے گئے ایک بیان میں انہوں نے کہا ہے کہ جاں بحق افراد کے لواحقین کے غم میں برابر کے شریک ہیں۔اپنے بیان میں وزیرِ اعلیٰ پنجاب سردار عثمان بزدار نے بارشوں کے باعث مختلف حادثات میں جاں بحق افراد کے لواحقین سے دلی ہمدردی اور تعزیت کا اظہار کیا ہے۔

انہوں نے حکام کو زخمی افراد کو علاج معالجے کی بہترین سہولتیں فراہم کرنے کی ہدایت کی ہے۔پنجاب کے وزیرِ اعلیٰ سردار عثمان بزدار نے یہ بھی کہا ہے کہ قیمتی انسانی جانوں کے ضیاع پر دلی افسوس ہے۔

وزیراعلیٰ پنجاب عثمان بزدار نےسیاست کے حوالے سے گفتگو کرتے ہوئے  کہا ہے کہ ہم نے نہ تو کبھی انتقام کی سیاست کی ہے اور نہ ہی ہم اس پر یقین رکھتے ہیں۔اپنے  بیان میں عثمان بزدار نے کہا کہ سابق دور میں مخالفین کو سیاسی انتقام کا نشانہ بنایا گیا۔عثمان بزدار نے کہا کہ ماضی میں اداروں کو ذاتی مفاد کے لیے استعمال کیا گیا۔اُن کا مزید کہنا تھا کہ ہماری حکومت نے اداروں سے سیاسی مداخلت کو ختم کیا ہے۔