🗓️
اسلام آباد:(سچ خبریں) پاکستان تحریک انصاف کے رہنما شہباز گل 23 دسمبر کو لاہور کی سروسز ہسپتال کے وی وی آئی پی کمرے سے مبینہ طور پر غائب ہوگئے، تاہم وہ ہفتہ کو واپس ہسپتال پہنچ گئے۔ شہباز گل گزشتہ روز (24 دسمبر کو) ہسپتال واپس آگئے تھے۔
پی ٹی آئی چیئرمین عمران خان کے چیف آف اسٹاف شہباز گل رواں ماہ کے اوائل میں سانس کی تکلیف کی وجہ سے سروسز ہسپتال میں زیر علاج تھے، انہیں مبینہ طور پر سانس لینے میں سانس لینے اور کھانسی میں تکلیف کی شکایت تھی۔
سروس ہسپتال میڈیکل یونٹ 2 کے رجسٹرار ڈاکٹر نعمان ظفر نے شہباز گل کی غائب ہونے کی اطلاع میڈیکل سپرنٹنڈنٹ کو دیتے ہوئے کہا کہ پی ٹی آئی رہنما اپنے وی وی آئی پی کمرے سے انتظامیہ کو بتائے بغیر غائب ہوگئے ہیں۔
خط میں بتایا گیا کہ شہباز گل کے معائنہ کار جب وی وی آئی پی روم میں داخل ہوئے تو وہ ہسپتال میں موجود نہیں تھے، ان کے وارڈ سے کوئی فائل یا ریکارڈ بھی برآمد نہ ہو سکا۔
ادریں اثنا ترجمان پنجاب حکومت مسرت جمشید چیمہ نے شہباز گل کی ہسپتال سے غائب ہونے کی اطلاعات مسترد کرتے ہوئے دعویٰ کیا کہ پی ٹی آئی رہنما اب بھی سروسز ہسپتال میں زیرِ علاج ہیں۔
انہوں نے ٹوئٹ کرتے ہوئے دعویٰ کیا کہ شہباز گل کچھ دیر لیے اپنے نجی آرتھوپیڈک ڈاکٹر کے پاس چیک اَپ کے لیے گئے تھے۔
دوسری جانب ذرائع نے دعویٰ کیا کہ 23 دسمبر کی صبح کو پی ٹی آئی رہنما ہسپتال سے غائب ہوگئے تھے اور 24 دسمبر کی شام کو واپس آئے۔
ذرائع کا کہنا تھا کہ ’گورنر پنجاب بلیغ الرحمٰن کی جانب سے وزیر اعلیٰ پنجاب پرویز الہٰی کو ڈی نوٹیفائی کرنے کے بعد شہباز گل ہستال سے فرار ہوگئے تھے، جب لاہور ہائی کورٹ نے پرویز الہٰی اور ان کی کابینہ کو بحال کیا تو شہباز گل ہسپتال واپس آگئے تھے‘۔
خیال رہے کہ شہباز گل ایک نجی ٹی وی چینل پر ملٹری اسٹیبلشمنٹ کے خلاف متنازع بیانات دینے کے بعد متعدد مقدمات کا سامنا کر رہے ہیں۔
وہ پہلی بار ہسپتال میں زیر علاج نہیں رہے بلکہ اس سے قبل ستمبر میں جب راولپنڈی اڈیالہ جیل میں اُن کی صحت خراب ہوگئی تھی تب وہ پاکستان انسٹی ٹیوٹ آف میڈیکل سائنس (پمز) اسلام آباد میں زیر علاج تھے۔
بلوچستان پولیس نے شہباز گل کو پاکستان الیکٹرانک کرائمز ایکٹ 2016 کی 7 دفعات کے تحت قلعہ عبداللہ میں درج بغاوت کے مقدمے کے سلسلے میں بھی طلب کیا تھا۔
رواں ماہ کے اوائل میں ریاستی ادارے کے خلاف عوام کو اکسانے کے الزام میں ان کے خلاف کراچی میں ایک اور مقدمہ درج کیا گیا تھا۔
سابق آرمی چیف جنرل قمر جاوید باجوہ کے خلاف بیان دینے پر شہری محمد سعید نے شہباز گل کے خلاف بریگیڈ تھانے میں ایف آئی آر درج کرائی تھی۔
مشہور خبریں۔
صیہونیوں کا افریقی یونین میں شمولیت کا ہدف اپنے وجود کو مستحکم کرنا ہے:حماس
🗓️ 30 جولائی 2021سچ خبریں:حماس کی پولیٹیکل بیورو کے سربراہ نے افریقی یونین کے سربراہ
جولائی
سائفر کیس: عمران خان، شاہ محمود قریشی مرکزی ملزم قرار، چالان جمع
🗓️ 1 اکتوبر 2023سچی خبریں:(سچ خبریں) سائفر کیس میں وفاقی تحقیقاتی ایجنسی (ایف آئی اے)
اکتوبر
حکومت نے دھمکی آمیز خط کا مواد اسمبلی پیش کرنے کا اعلان کر دیا
🗓️ 8 اپریل 2022اسلام آباد(سچ خبریں)وفاقی وزیر اطلاعات و نشریات فواد چوہدری نے کہا ہے
اپریل
امریکی غاصبوں کے ہاتھوں شام کے تیل وسائل کی چوری کا سلسلہ جاری
🗓️ 4 جولائی 2021سچ خبریں:شامی ذرائع نے اطلاع دی ہے کہ امریکی قابض افواج کے
جولائی
خیبرپختونخوا میں فائرنگ کے واقعات میں 3 پولیس اہلکار اور سیکیورٹی گارڈ شہید
🗓️ 16 مارچ 2025پشاور: (سچ خبریں) خیبر پختونخوا کے اضلاع کرک اور پشاور میں رات
مارچ
اسرائیلی فوج کے انٹیلی جنس کمانڈر کی گاڑی چوری
🗓️ 20 نومبر 2021سچ خبریں: کئی چور عمارت کی پارکنگ میں داخل ہوئے جہاں اسرائیلی فوج
نومبر
کورونا وائرس: ملک بھر میں مزید 92 افراد کا انتقال
🗓️ 3 جون 2021اسلام آباد(سچ خبریں) ملک بھر میں کورونا وائرس کی تیسری لہر کے
جون
مراد علی شاہ مسلسل تیسری بار وزیر اعلیٰ سندھ منتخب
🗓️ 26 فروری 2024کراچی: (سچ خبریں) پاکستان پیپلزپارٹی کے رہنما مراد علی شاہ مسلسل تیسری
فروری