وزیراعظم کی قومی ٹیم کو مبارکباد، افغان ٹیم کے بارے میں اظہار خیال

?️ 30 اکتوبر 2021

اسلام آباد(سچ خبریں) وزیراعظم عمران خان  نے قومی ٹیم کی مسلسل تیسری جیت پر پوری ٹیم کو مبارکباد دیتے ہوئے افغان ٹیم کی متاثرکن کارکردگی پر ان کی ‏تعریف کی ہے۔ ان کا کہنا تھا کہ افغانستان کی ٹیم نے متاثر کن کرکٹ کھیلی ، میں نے کسی ملک کو عالمی کرکٹ میں اتنی تیزی سے ترقی کرتے نہیں دیکھا ہے۔

ٹی ٹوئنٹی ورلڈکپ میں پاکستان اور افغانستان کے دلچسپ میچ پر وزیراعظم عمران خان نے ٹوئٹر پر اپنے ‏ردعمل کا اظہار کیا ہے۔ وزیراعظم  نے کہا کہ مبارک ہو ٹیم پاکستان! افغانستان ٹیم  نے متاثر کن کرکٹ کھیلی، میں  نے کسی ملک کو عالمی ‏کرکٹ میں اتنی تیزی سے ترقی کرتے نہیں دیکھا۔

وزیراعظم نے لکھا کہ اس جذبے اور ٹیلنٹ سے افغانستان میں کرکٹ کا مستقبل روشن ہے۔ٹی 20 ورلڈ کپ سپر 12 مرحلے کے میچ میں قومی ٹیم کے ہارڈ ہٹر آصف علی نے افغانستان کے جبڑوں سے فتح ‏چھین لی۔ دبئی میں کھیلے جانے والے میچ میں قومی ٹیم نے افغانستان کی جانب سے دیا جانے والا 148 رنز کا ہدف 5 ‏وکٹوں کے نقصان پر 19ویں اوور میں حاصل کرلیا۔ اٖفغان ٹیم  نے پاکستان کے خلاف بہترین کارکردگی کا مظاہرہ کر کے سب کو متاثر کیا اگرچہ آخر میں میچ سے ہارگئی۔