روزانہ 3 لاکھ سے زائد ویکسین لگائی جارہی ہیں: اسد عمر

🗓️ 9 جون 2021

اسلام آباد (سچ خبریں) این سی او سی کے سربراہ اور وفاقی وزیر اسد عمر نے کہا کہ پاکستان میں کورونا وائرس سے بچاؤ کے لیے ویکسین کی ایک کروڑ خوراک لگادی گئیں، ان کا کہنا تھا کہ پابندیوں کی وجہ سے کورونا کے اثرات کم ہوئے، عوام سے اپیل ہے کہ پاکستانی ویکسین مہم میں بڑھ چڑھ کر حصہ لیں۔

ایک کروڑ ویکسی نیشن مکمل ہونے پر تقریب سے گفتگو کرتے ہوئے این سی او سی کے سربراہ اور وفاقی وزیر اسد عمر نے کہا کہ کورونا وباء کی تیسری لہر سے نمٹنے کے لیے جو اقدامات کیے اس کا مثبت نتیجہ آیا ہے مگر خطرہ ابھی ٹلا نہیں ہے۔

اسد عمر نے گفتگو میں کہا کہ روزانہ 3 لاکھ سے زائد ویکسین لگائی جارہی ہیں، کورونا کی تیسری لہر پرجو اقدامات کیے اس کا مثبت نتیجہ آیا ہے۔انہوں نے کہاکہ دسمبر تک 7 کروڑ افراد کو ویکسین لگانے کا ہدف ہے، پاکستانی بڑھ چڑھ کر ویکسی نیشن مہم میں حصہ لیں۔

یادر ہے کہ ایک کروڑویکسی نیشن کاعمل مکمل ہونے پر نیشنل کمانڈ اینڈ آپریشن سینٹر میں تقریب کا انعقاد کیا گیا تھا ، جس میں این سی او سی کے سربراہ اسد عمر نے خطاب کرتے ہوئے کہا تھا کہ دسمبرتک 7کروڑ افراد جو ویکسین لگانے کا ہدف ہے، روزانہ تقریبا ساڑھے 3 لاکھ افراد رجسٹریشن کر رہے ہیں۔اسد عمر کا کہنا تھا کہ پابندیوں کی وجہ سے کورونا کے اثرات کم ہوئے، عوام سے اپیل ہے کہ پاکستانی ویکسین مہم میں بڑھ چڑھ کر حصہ لیں، کورونا ختم کرنے کے ساتھ ساتھ لوگوں کا روزگار بچانا ہے۔

دوسری جانب وفاقی وزیر اطلاعات فواد چوہدری نے ملک میں 1 کروڑ لوگوں کو ویکسین لگانے کا ہدف مکمل کرنے پر کہا کہ این سی اوسی نے وزیراعظم کی پالیسی کونافذ کیا جتنی تعریف کریں کم ہے۔

وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر پاکستان میں ہم نے ایک کروڑ لوگوں کو ویکسین لگانے کا ہدف مکمل کرلیا ہے، پاکستان کی کورونا کیخلاف جنگ کی پوری دنیا معترف ہے ، وزیر اعظم نے اس اعصاب شکن جنگ میں قوم کوایک لمحہ مایوس نہ ہونے دیا ، این سی اوسی نے وزیراعظم کی پالیسی کونافذ کیا جتنی تعریف کریں کم ہے۔