شیخ رشید کا نوازشریف کے لئے بڑا اعلان

?️ 25 جنوری 2021

شیخ رشید کا نوازشریف کے لئے بڑا اعلان

اسلام آباد(سچ خبریں) وفاقی وزیر داخلہ شیخ رشید احمد کا کہنا ہے کہ سابق وزیر اعظم نواز شریف پاسپورٹ منسوخی کے بعد ایک اہم اعلام کرتے ہوئے کہا کہ اگر وہ پاکستان آنا چاہتے ہیں تو انھیں انٹری سلیپ دی جائے گی۔شیخ رشید نے یہ بات ڈان نیوز کے پروگرام ‘نیوز آئی’ میں بات کرتے ہوئے کہی جو آج رات 10 بجے نشر ہوگا۔

وفاقی وزیر داخلہ نے کہا کہ ‘نواز شریف کی وطن واپسی کی کوئی توقع نہیں ہے، اگر وہ آنا چاہیں تو 16 فروری کو پاسپورٹ منسوخ ہونے کے بعد بھی انہیں وزارت داخلہ کی ہدایت پر پاکستانی سفارتخانے سے انٹری سلپ مل سکتی ہے’۔

انہوں نے کہا کہ ‘ہم انہیں واپس پاکستان لانے کی کوشش کر رہے ہیں اور شہزاد اکبر اس معاملے کو دیکھ رہے ہیں، لیکن اگر وہ 16 فروری کے بعد خود پاکستان آنا چاہیں تو میری ہدایت پر انہیں انٹری سلپ جاری ہوسکتی ہے، تاہم وہ اپنی مرضی سے ہی واپس آئیں گے’۔

یاد رہے کہ 30 دسمبر کو شیخ رشید نے نے اعلان کیا تھا کہ سابق وزیراعظم اور مسلم لیگ (ن) کے تاحیات قائد نواز شریف کا پاسپورٹ 16 فوری کو منسوخ کردیا جائے گا۔