شیخ رشید کا نئے الیکشن کے حوالے سے دعوی

?️

اسلام آباد: (سچ خبریں) عوامی مسلم لیگ کے سربراہ اور سابق وزیر داخلہ شیخ رشید نے دعویٰ کیا ہے کہ ضمنی الیکشن کے بجائے نئے الیکشن کے حوالے سے معاملات طے پاگئے ہیں۔

انہوں نے سماجی رابطوں کی ویب سائٹ ‘ٹوئٹر’ پر اپنے پیغام میں کہا کہ ‘ضمنی الیکشن کے بجائے نئے الیکشن پر معاملات طے پاگئے ہیں، اکتوبر میں الیکشن کی تاریخ، نئے الیکشن کمیشن اور نگراں حکومت کا فیصلہ قوم جلد سن لے گی۔’

انہوں نے بظاہر حال ہی میں کورونا وائرس کا شکار ہونے والے آصف علی زرداری کا حوالہ دیتے ہوئے کہا کہ ‘قرنطینہ والے بھی الیکشن پر مان گئے ہیں، صرف مولانا فضل الرحمٰن رہ گئے ہیں۔’

شیخ رشید نے ملک کی حالیہ معاشی صورتحال کی نشاندہی کرتے ہوئے کہا کہ ڈالر 250 کا جبکہ بجلی اور ایل پی جی میں 10 روپے کا اضافہ مارکیٹیں بند کرا دے گا۔

انہوں نے کہا کہ اتحادیوں کی سیاسی ساکھ راکھ میں بدل گئی ہے، جمہوریت مذاق اور اسمبلی تماشہ بن چکی ہے۔

واضح رہے کہ عوامی مسلم لیگ کے سربراہ کا یہ بیان ایک ایسے موقع پر آیا ہے جب وزیر داخلہ رانا ثنااللہ کی جانب سے پی ٹی آئی کے سربراہ عمران خان پر زور دیا گیا تھا کہ وہ خیبر پختونخوا اور پنجاب میں اسمبلیوں کو تحلیل کردیں اور یہ عام انتخابات کے لیے ان کے مطالبے کے لیے اہم شرط ہے۔

جمعرات کو ایک پریس کانفرنس میں انہوں نے کہا تھا کہ ان کی پارٹی کے سربراہ نواز شریف بھی چاہتے ہیں کہ ملک انتخابات کی طرف بڑھے تاہم یہ شخص (عمران) اس حقیقت کو سمجھے بغیر چیف الیکشن کمشنر کو برطرف کرنے کا مطالبہ کر رہا ہے، ضروری آئینی عمل کی تکمیل کے بغیر چیف الیکشن کمشنر کو تبدیل نہیں کیا جا سکتا۔

رانا ثنااللہ نے یہ بھی دعویٰ کیا تھا کہ اگر انتخابات ہوئے تو مسلم لیگ (ن) پنجاب میں سوئپ کرے گی اور ہم اپنی حکومت بنائیں گے۔

ساتھ ہی حکمراں اتحاد نے بھی جمعرات کو اس بات کا اعادہ کیا کہ وہ اپنی آئینی مدت پوری کرے گا۔

پی ڈی ایم کے سربراہ مولانا فضل الرحمٰن نے اتحاد کے اجلاس کے بعد مسلم لیگ (ن) کی نائب صدر مریم نواز کے ساتھ مشترکہ پریس کانفرنس میں کہا کہ حکومت اپنی مدت پوری کرے گی اور اگلے عام انتخابات وقت پر ہوں گے۔

مشہور خبریں۔

بائیڈن کا ٹرمپ پر شدید حملہ

?️ 29 ستمبر 2023سچ خبریں:امریکی صدر جو بائیڈن، جنہوں نے حالیہ مہینوں میں اپنے صدر

یمن نے 10 سالوں میں ناقابل تسخیر جارحانہ طاقت کیسے حاصل کی؟

?️ 24 جولائی 2024سچ خبریں: الجزیرہ نیوز ویب سائٹ کے مطابق  یافا ڈرون، جس نے گزشتہ

ہم روس کے ساتھ جنگ نہیں چاہتے: نیٹو

?️ 5 مارچ 2022سچ خبریں:نیٹو کے سکریٹری جنرل نے ایک بیان میں کہا کہ فوج

پاک-امریکا تعلقات اور خطے میں نئی تبدیلی

?️ 12 جون 2021(سچ خبریں)  پاکستان کو 20 سال بعد امریکا کے ساتھ تعلقات میں

آپریشن حیفا قابضین کے جرائم کا جواب 

?️ 26 مارچ 2025سچ خبریں: تحریک حماس نے مقبوضہ حیفا میں آج کی صیہونی مخالف کارروائی

کراچی: سال نو پر ہوائی فائرنگ، بچہ جاں بحق، متعدد افراد زخمی

?️ 1 جنوری 2022کراچی (سچ خبریں)نیا سال شروع ہوتے ہی جہاں لوگوں کے درمیان خوشی

ایران اور سعودی عرب کے درمیان قونصل خانے دوبارہ کھولنے کا ابتدائی معاہدہ

?️ 12 اکتوبر 2021سچ خبریں: سعودی عرب میں ایک غیر ملکی سفارت کار نے اے ایف

ایرانی اور پاکستانی پارلیمانی حکام کا مشترکہ چیلنجز کے خلاف اسلامی اتحاد پر زور

?️ 12 اکتوبر 2021سچ خبریں: اسلامی مشاورتی اسمبلی میں ایران پاکستان پارلیمانی فرینڈشپ گروپ کے سربراہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے