شاہ محمود قریشی نے ایران کے اعلی حکام سے ملاقات کی

?️

اسلام آباد (سچ خبریں) وزیرخارجہ شاہ محمود قریشی ان دنوں ایران کے دورے پر ہیں جہان انہوں نے ایران کے صدر حسن روحانی اور دیگر حکام سے ملاقات کر کے کشمیر کے مسئلے سمیت دوسرے مسائل پر تبادلہ کیا انہوں نے ایران کے اسپیکر اور وزیر خارجہ سے بھی ملاقات کی۔

ترجمان دفترخارجہ کی جانب سے جاری بیان میں کہا گیا کہ شاہ محمود قریشی نے تہران میں صدر حسن روحانی، وزیر خارجہ جواد ظریف اور اسپیکر محمد باقر قالیباف سے ملاقات کی۔

وزیرخاجہ نے ایرانی صدر کو پاکستانی قیادت کی جانب سے ایران کے عوام کےلیے نیک خواہشات کا پیغام پہنچایا اور اپنے ملک کے لیے ان کے کردار کی تعریف کی۔

بیان کے مطابق انہوں نے حسن روحانی کے ساتھ باہمی تعلقات کے استحکام کے مختلف پہلووں، مشترکہ تاریخ، ثقافت اور زبان سے متعلق امور پر تبادلہ خیال کیا۔

وزیرخارجہ نے ایران کے ساتھ معاشی تعاون اور ترقی سمیت مختلف شعبوں میں تعلقات کے حوالے سے وزیراعظم عمران خان کے مؤقف سے بھی آگاہ کیا۔

شاہ محمود قریشی نے بارڈر مارکیٹ کے قیام میں تعاون پر ایرانی صدر کا شکریہ ادا کیا، جس سے سرحدی علاقوں کے عوام مستفید ہوں گے۔

انہوں نے کہا کہ مند-پشین سرحدی پوائنٹ پر بین الاقوامی سرحد کھلنے سے آمد ورفت میں آسانی ہوگی اور باہمی تجارت میں بھی اضافہ ہوگا۔

شاہ محمود قریشی نے مسئلہ کشمیر اور عوام کی مسلسل حمایت پر ان کا خاص کر سپریم لیڈر کا شکریہ ادا کیا اور بڑھتے ہوئے اسلاموفوبیا پر بات کرتے ہوئے دونوں ممالک کے درمیان مذہبی اعتقادات کے حوالے سے مشترکہ مؤقف کو سراہا۔

ترجمان دفترخارجہ کے بیان کے مطابق اس موقع پر ایرانی صدر حسن روحانی نے کووڈ کے خلاف اقدامات کی تعریف کی اور مختلف شعبوں میں باہمی تعلقات کو مزید مضبوط کرنے کے لیے ایران کے عزم کا اعادہ کیا۔بعد ازاں وزیر خارجہ شاہ محمود قریشی نے ایرانی ہم منصب جواد ظریف سے بھی ملاقات کی.

شاہ محمود قریشی نے ٹوئٹر پر جواد ظریف سے ملاقات کے مناظر بھی شیئر کی اور کہا کہ ایرانی وزیر خارجہ سے تجارت، سرحدی تعاون اور دیگر امور پر تبادلہ خیال ہوا۔ان کا کہنا تھا کہ ہم مل کر اسلاموفوبیا کے خلاف کام کریں گے۔

وزیرخارجہ شاہ محمود قریشی نے ایرانی پارلیمنٹ کے اسپیکر محمد باقر قالیباف سے بھی ملاقات کی اور دونوں ممالک کے درمیان برادرانہ تعلقات کو اجاگر کیا اور مزید استحکام کا اعادہ کیا۔

پارلیمانی تعاون کا حوالہ دیتے ہوئے انہوں نے مختلف معاملات پر تعاون پر زور دیا اور بین الاقوامی پارلیمانی فورم کے تحت رابطے بڑھانے کی ضرورت بھی اجاگر کی۔

وزیرخارجہ نے ایرانی اسپیکر کو مقبوضہ جموں و کشمیر میں انسانی حقوق کی خلاف ورزیوں سے بھی آگاہ کیا اور کشمیریوں کی حمایت پر ایرانی قیادت کا شکریہ بھی ادا کیا۔

ملاقات میں اسلاموفوبیا کے معاملات پیغمبر اسلامﷺ کے احترام کے حوالے سے مشترکہ اقدامات پر بھی اتفاق کیا گیا۔وزیرخارجہ شاہ محمود قریشی نے ایرانی پارلیمنٹ کے اسپیکر کو پاکستان کے دورے کی دعوت دی اور امید ظاہر کی کہ دورے سےدونوں ممالک کے درمیان پارلیمانی تعلقات مزید مستحکم ہوں گے قبل ازیں ایرانی پارلیمنٹ آمد پر چیئرمین پاکستان-ایران فرینڈ شپ گروپ نے وزیرخارجہ شاہ محمود قریشی کا استقبال کیا۔

مشہور خبریں۔

پنجاب میں لاک ڈاون کی مدت میں توسیع کی جاسکتی ہے

?️ 15 مئی 2021پنجاب (سچ خبریں) ایکسپریس نیوز کے مطابق پنجاب میں لاک ڈاؤن 16مئی

روس کا بین الاقوامی حقوق کا دفاع ماسکو پر مغربی دباؤ کی وجہ ہے : بشار الاسد

?️ 21 جنوری 2022سچ خبریں:   شام کے صدر بشار الاسد نے جمعرات کی شام روسی

بغداد میں امریکی سفارت خانہ پر راکٹ حملہ

?️ 22 فروری 2021سچ خبریں:عراقی ذرائع نے اطلاع دی ہے کہ بغداد میں امریکی سفارت

امریکی رکن کانگریس نے مسلم نمائندہ کی توہین پرمانگی معافی

?️ 27 نومبر 2021سچ خبریں: ڈونلڈ ٹرمپ کے کٹر حامی ریپبلکن قانون ساز لوریٹ ببرٹ نے

ہم نے افغانستان سے آنے والے ایک ہزار 277 غیر ملکیوں کوامیگریشن سہولت دی ہے

?️ 23 اگست 2021اسلام آباد(سچ خبریں) وزارت داخلہ اسلام آباد میں پریس بریفنگ کے دوران شیخ

عمران خان کو وکلا سے تنہائی میں ملاقات کی اجازت مل گئی

?️ 26 فروری 2024اسلام آباد: (سچ خبریں) اسلام آباد ہائیکورٹ نے بانی پاکستان تحریک انصاف

وزیراعظم کی چینی صدر سے ملاقات، اہم امور پر گفتگو

?️ 6 فروری 2022بیجنگ(سچ خبریں) وزیراعظم عمران خان اور چینی صدر شی جن پنگ کی

لاہور ایئر پورٹ پر آتشزدگی، حج پروازیں تاخیر کا شکار، وزیرداخلہ کا تحقیقات کا حکم

?️ 9 مئی 2024لاہور: (سچ خبریں) علامہ اقبال انٹرنیشنل ایئرپورٹ لاہور پر آتشزدگی کے سبب

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے