سندھ: حکومت کا کورونا وائرس سے متعلق  پابندیاں جاری رکھنے کا فیصلہ

?️ 27 مئی 2021

کراچی (سچ خبریں)سندھ میں کورونا وائرس  کے کیسز میں اگرچہ کمی ہو رہی ہے تاہم سندھ حکومت نے کورونا کیسز میں اضافے کے تناظر میں عائد کی گئی پابندیوں کو جاری رکھنے کا فیصلہ کیا ہے۔سندھ وزیر اعلی کا کہنا ہے کہ اگر یہ تعاون جاری رہا تو ہم جلد صورتحال پر قابو پالیں گے۔

تفصیلات کے مطابق وزیراعلیٰ سندھ  سید مراد علی شاہ کی زیرصدارت انسداد کورونا ٹاسک فورس کا اجلاس ہوا جس میں  کورونا وائرس سے متعلق پابندیاں جاری رکھنے کا فیصلہ کیا گیا۔ اس دوران مراد علی شاہ کا عوام کے تعاون کا شکریہ ادا کرتے ہوئے کہنا تھا کہ اب کیسز کم ہو رہے ہیں۔

وزیراعلیٰ  کو بریفنگ میں  بتایا  گیا کہ 24 گھنٹے میں 22 ہزار 43 ٹیسٹ کیے، 1293 کیس رپورٹ ہوئےسختی کرنے سے کیسز کی شرح کم ہوئی۔مراد علی شاہ نے کہا کہ کیسز کم ہو رہے ہیں عوام کے تعاون کا شکریہ اگر تعاون جاری رہا تو جلد صورتحال پر قابو پالیں گے۔

ان کا کہنا تھا کہ گزشتہ روز  24 اموات رپورٹ ہوئیں جو پریشان کن بات ہے اس وقت کراچی کے کیسز کی شرح 8.34 فیصدہے کورونا کیسزکی شرح  حیدرآباد میں  4.42  اور دیگر اضلاع  3.3 فیصد ہیں،۔

وزیراعلیٰ نے کہا کہ 20مئی کو کراچی میں 12.86 اور حیدرآباد میں 11 فیصد شرح تھی، ضلع شرقی 17 ، وسطی 10 ، جنوبی 13 ، غربی 10  اور ملیر 8 فیصد کیسز ہیں، 15تا21مئی    تک کورونا  کیسز   8.63 فیصد تھے اور اموات 1.18 فیصد تھیں، صرف مئی میں 307 مریض کورونا سے  انتقال کرگئے ہیں۔