?️
اسلام آباد: (سچ خبریں) وزیراعظم شہباز شریف نے انتشار پھیلانے والوں کے خلاف قانونی کارروائی پر پیشرفت کا ہفتہ وار جائزہ لینے کا اعلان کرتے ہوئے کہا ہے کہ دھرنوں میں قانون کی خلاف ورزی، سرکاری املاک کو نقصان پہنچانے اور قانون نافذ کرنے والے اداروں کے اہلکاروں کو زخمی و شہید کرنے والوں کو قانون کے مطابق قرار واقعی سزائیں دی جائیں۔
ڈان نیوز کے مطابق وزیراعظم شہباز شریف کی زیر صدارت 24 نومبر کو ہونے والے دھرنے میں فسادات کی تحقیقات کے لیے تشکیل کردہ ٹاسک فورس کا اجلاس ہوا۔
اجلاس میں وزیر داخلہ محسن نقوی، وزیر قانون اعظم نذیر تارڑ اور وزیراعظم کے مشیر رانا ثنا اللہ سمیت دیگر اعلیٰ افسران شریک ہوئے۔
اجلاس کو آگاہ کیا گیا کہ فسادیوں کی شناخت کا عمل تیزی سے مکمل کیا جارہا ہے، احتجاج کے مقام سے اسلحہ، کارتوس اور خول سمیت دیگر شواہد اکٹھے کیے جاچکے ہیں جو فرانزک کے لیے بھیجے جائیں گے۔
شہباز شریف نے شکوہ کیا کہ انتشار پھیلانے والوں نے بیلاروس کے صدر کے دورے کے وقت دارالحکومت پر لشکر کشی کی جو شدید شرمندگی کا باعث بنی۔
انہوں نے اعلان کیا کہ پاکستان میں جدید تقاضوں کے مطابق عالمی معیار کی انسداد فسادات فورس کی تشکیل دی جائے گی اور اسلام آباد سیف سٹی میں فرانزک لیب شامل کرکے اسے بین الاقوامی معیار پر لایا جائے گا جب کہ ان اقدامات کے لیے تمام ضروری وسائل بروئے کار لائے جائیں گے۔
وزیراعظم نے کہا کہ ملک میں انتشار پھیلانے والوں کے خلاف قانونی کارروائی پر پیشرفت کا ہفتہ وار جائزہ لیا جائے گا جب کہ دھرنوں میں قانون پامال کرنے والوں، سرکاری املاک کو نقصان پہنچانے اور قانون نافذ کرنے والے اداروں کے اہلکاروں کو زخمی اور شہید کرنے والوں کو قانون کے مطابق قرار واقعی سزائیں دی جائیں۔
واضح رہے کہ گزشتہ روز وفاقی کابینہ نے پُرتشدد انتہا پسندی کی روک تھام کی قومی پالیسی 2024 کی منظوری دی تھی۔
وفاقی کابینہ نے وزارت قانون و انصاف کی سفارش پر اور سندھ ہائی کورٹ کے احکامات کی روشنی میں خصوصی عدالتوں کی حدود اور دائرہ کار میں تبدیلی کی منظوری بھی دی۔
وفاقی کابینہ نے وزارت قانون و انصاف کی سفارش پر اور بلوچستان ہائی کورٹ کوئٹہ کے احکامات کی روشنی میں اسپیشل کورٹس کوئٹہ اور خضدار کے دائرہ کار میں تبدیلی کی بھی منظوری دی تھی۔


مشہور خبریں۔
طالبان کی حکومت تسلیم کرنے سے متعلق پنجاب گورنر کا اہم مشورہ
?️ 16 اگست 2021لاہور (سچ خبریں) گورنر پنجاب چوہدری محمد سرور نے طالبان حکومت تسلیم
اگست
امریکا اور یورپی ممالک کے دباؤ سے پاک چین تعلقات تبدیل نہیں ہوں گے: وزیراعظم
?️ 30 جون 2021اسلام آباد(سچ خبریں) وزیراعظم عمران خان کا کہنا ہے کہ امریکا اور
جون
تل ابیب میں جنگ مخالف مظاہرے، پولیس کا مظاہرین پر حملہ
?️ 12 اپریل 2026سچ خبریں:تل ابیب اور مقبوضہ بیت المقدس میں ہزاروں صہیونی باشندوں نے
اپریل
پیوٹن نے یوکرائن پر حملہ کرکے عالمی جنگ کو روکا: روسی ڈوما اسپیکر
?️ 27 فروری 2022سچ خبریں:روسی ڈوما کے اسپیکر ویاچسلاو ویلوڈن نے کہا کہ پیوٹن نے
فروری
امریکی کانگریس کے ہنگامے کی مرکزی شخصیت کو 41 ماہ قید کی سزا
?️ 18 نومبر 2021سچ خبریں: جیکب چانسلے نامی یہ شخص امریکی کانگریس میں ایک نمایاں
نومبر
فرانس میں پولیس کے ہاتھوں کم عمر مظاہرین پر تشدد کے سنسنی خیز انکشافات
?️ 10 اکتوبر 2026سچ خبریں:فرانسیسی میڈیا کی رپورٹس کے مطابق، طلبہ کے احتجاج کے دوران
اکتوبر
امریکی افواج کے انخلا کے بعد افغانستان میں بڑی تباہی پھیل سکتی ہے: امریکی جنرل
?️ 29 اپریل 2021واشنگٹن (سچ خبریں) امریکا نے اگرچہ افغانستان میں اپنی ذلت آمیز شکست
اپریل
غزہ کی جنگ صہیونیوں کے درمیان اختلافات کا باعث ہے
?️ 4 ستمبر 2025سچ خبریں: اسرائیلی امور کے ایک ماہر نے غزہ شہر پر جنگ
ستمبر