داسو واقعہ میں دہشت گردی کا پہلو نظر انداز نہیں کیا جا سکتا: فواد چوہدری

?️ 15 جولائی 2021

اسلام آباد (سچ خبریں) وفاقی وزیر اطلاعات فواد چوہدری نے داسو واقعے میں دھماکاخیزمواد کی موجودگی کی تصدیق کرتے ہوئے کہا ہے کہ داسو واقعے میں دہشتگردی کے پہلو کو نظر انداز نہیں کیا جا سکتا۔ابتدائی تحقیق کے مطابق دھماکا خیز مواد کی موجودگی کنفرم کی گئی ہے۔

وزیر اطلاعات فواد چوہدری نے پسنی کے قریب دہشت گرد حملے سے متعلق کہا ہے کہ واقعے میں دہشتگردی کا پہلو نظر انداز نہیں کیا جاسکتا۔فواد چوہدری کی جانب سے سوشل میڈیا پر اپنے ایک بیان کہا گیا ہے کہ داسو واقعے پر ابتدائی تحقیق نے دھماکا خیز مواد کی موجودگی کنفرم کی ہے۔

فواد چوہدری نے اپنے ٹوئٹ میں کہا ہے کہ وزیراعظم عمران خان اس واقعے سے متعلق سارے عمل کی ذاتی طور نگرانی کر رہے ہیں۔واضح رہے کہ بلوچستان کے ضلع گوادر کے شہر پسنی کے قریب دہشت گردوں نے سیکیورٹی فورسز پر آئی ای ڈی کے ذریعے حملہ کیا ہے جس کے نتیجے میں 2 جوان شہید ہو گئے ہیں۔

پاک فوج کے شعبہ تعلقاتِ عامہ (آئی ایس پی آر) کے مطابق حملے میں کیپٹن عفان مسعود اور ایک سپاہی بابر زمان شہید ہوئے ہیں۔آئی ایس پی آر نے بتایا ہے کہ واقعے کے بعد پسنی کے قریب واقع خدا بخش بازار کے علاقے کو سیکیورٹی فورسز نے گھیرے میں لے رکھا ہے اور علاقے میں سرچ آپریشن جاری ہے۔پاک فوج کے شعبہ تعلقاتِ عامہ کا مزید کہنا ہے کہ دشمن عناصر کے بزدلانہ حملوں سے بلوچستان کا امن سبوتاژ نہیں ہونے دیں گے۔