برکس اجلاس سے میں شریک نہ ہونے پر دفتر خارجہ کا ردعمل

?️

اسلام آباد(سچ خبریں)پاکستان نے برکس اجلاس کی کامیاب میزبانی پر چین کو مبارکباد پیش کرتے ہوئے تنظیم کے ایک رکن ملک کی جانب سے پاکستان کو اجلاس میں شرکت سے روکنے پر افسوس کا اظہار کیا ہے۔

خیال رہے کہ برکس دنیا کی ابھرتی ہوئی معیشتوں کا ایک بااثر کلب ہے جس میں برازیل، روس، بھارت، چین اور جنوبی افریقہ شامل ہیں۔

بیجنگ نے 23 اور 24 جون کو برکس اجلاس کی میزبانی کی تھی جس میں شامل ممالک عالمی آبادی کا 40 فیصد سے زائد حصے اور دنیا کی مجموعی ملکی پیداوار کا تقریباً ایک چوتھائی حصے کی نمائندگی کرتے ہیں۔

رواں سال برکس کی جانب سے ’عالمی ترقی پر اعلیٰ سطح کا ڈائیلاگ‘ منعقد کیا گیا جس میں ان 2 درجن ممالک نے اجلاس میں ورچوئلی شرکت کی جو تنظیم کے رکن نہیں تھے۔

اجلاس میں پاکستان کی عدم شمولیت نے کئی سوالات کو جنم دیا جس پر آج میڈیا کے سوالات کا جواب دیتے ہوئے ترجمان دفتر خارجہ نے کسی ملک کا نام لیے بغیر اس بات پر افسوس کا اظہار کیا کہ ’ایک رکن‘ نے پاکستان کی شرکت کو روک دیا۔

ترجمان دفتر خارجہ نے ایک بیان میں کہا کہ چین میزبان ملک ہونے کے ناطے برکس اجلاس سے قبل پاکستان کے ساتھ بات چیت میں شامل رہا ہے، برکس رکن ممالک کے ساتھ مشاورت کے بعد فیصلے کیے جاتے ہیں جبکہ غیر رکن ممالک کو اجلاس میں شرکت کی دعوت دی جاتی ہے۔

ساتھ ہی امید ظاہر کی کہ تنظیم کی مستقبل کی شمولیت ترقی پذیر دنیا کے مجموعی مفادات کو مدنظر رکھتے ہوئے اور اس انداز میں شمولیت کے اصولوں پر مبنی ہوگی جو کہ تنگ جغرافیائی سیاسی تحفظات سے مبرا ہو۔

برکس اجلاس کے موقع پر منعقدہ ’عالمی ترقی پر اعلیٰ سطح کے مکالمے‘ کے بارے ترجمان دفتر خارجہ نے جاری بیان میں کہا کہ پاکستان عالمی برادری کو درپیش چیلنجز سے نمٹنے کے لیے برکس کے رکن ملکوں سمیت تمام ترقی پذیر ممالک کے ساتھ کھڑا ہے۔

ترجمان دفتر خارجہ نے اپنے بیان میں مزید کہا کہ ہم ترقی پذیر ممالک کے مفادات کے فروغ میں چین کے کردار کو سراہتے ہیں، پاکستان چین کے ساتھ مل کر عالمی امن، مشترکہ خوشحالی اور جامع ترقی کے لیے ایک مضبوط آواز رہا ہے۔

خیال رہے کہ پاکستان ’جی 77 پلس چین‘ کا موجودہ سربراہ ہے اور گلوبل ڈیولپمنٹ انیشی ایٹو کے دوستوں کے گروپ کا بھی حصہ ہے۔

ترجمان نے کہا کہ پاکستان اور چین ہمہ وقت اسٹریٹجک شراکت دار ہیں اور ہمارا آہنی بھائی چارہ مضبوط بنیادوں پر استوار ہے، پاکستان اور چین دوطرفہ اور کثیر الجہتی سطح پر ہمہ جہتی تعاون کو اعلیٰ سطح تک لے جانے کے لیے پوری طرح پرعزم ہیں۔

مشہور خبریں۔

زیر حراست مظاہرین رہا اور مقدمات ختم کیے جائیں، بلوچ یکجہتی کونسل کا حکومت کو تین روز کا الٹی میٹم

?️ 25 دسمبر 2023اسلام آباد: (سچ خبریں) بلوچستان میں جبری گمشدگیوں اور ماورائے عدالت قتل

’دنیا پور‘ کے کردار کا انداز ’مرزا پور‘ سے کاپی کیا، علی رضا کا اعتراف

?️ 21 اپریل 2025کراچی: (سچ خبریں) مقبول اداکار علی رضا نے اعتراف کیا ہے کہ

خطے میں امریکہ کے اتحادیوں کی خطرناک صورتحال کا تجزیہ

?️ 9 نومبر 2023سچ خبریں:اس وقت غزہ میں جو کچھ ہو رہا ہے وہ اس

رواں سال کے آغاز سے مغربی کنارے میں فلسطینی شہداء کی تعداد

?️ 12 ستمبر 2022سچ خبریں:فلسطینی ذرائع نے اطلاع دی ہے کہ جنین میں حماد ابو

صیہونی حکومت کی کابینہ سے متعلق ویب سائٹس میں خلل

?️ 19 اگست 2024سچ خبریں: صیہونی حکومت کے ذرائع ابلاغ نے صیہونی حکومت کی کابینہ

شدت پسندی کے خلاف آوزیں بلندہونی چاہئے: فواد چوہدری

?️ 25 اکتوبر 2021اسلام آباد(سچ خبریں) وفاقی وزیر اطلاعات فواد چوہدری نے کہا کہ  شدت

زرعی شعبہ میں ترقی کیلئے فریقین کی تجاویز کا جائزہ لے کر مربوط حکمت عملی بنائی جائے گی، وزیراعظم

?️ 19 اپریل 2025اسلام آباد: (سچ خبریں) وزیراعظم شہباز شریف نے زرعی خودکفالت کے حصول

نگران وزیراعلیٰ پنجاب کی چوہدری شجاعت کے گھر پر چھاپے کی مذمت

?️ 1 مئی 2023اسلام آباد:(سچ خبریں) نگراں وزیر اعلیٰ پنجاب محسن نقوی نے اس بات

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے