?️
اسلام آباد:(سچ خبریں) اقتصادی رابطہ کمیٹی (ای سی سی) نے روس سے ایک لاکھ 30 ہزار میٹرک ٹن گندم درآمد کرنے کی منظوری دے دی۔
سرکاری خبرایجنسی اے پی پی کی رپورٹ کے مطابق وفاقی وزیر خزانہ اسحٰق ڈار کی زیر صدارت کابینہ کی اقتصادی رابطہ کمیٹی کا اجلاس ہوا جہاں وزارت قومی غذائی تحفظ وتحقیق نے 30 نومبر 2022 کو کھولے گئے 7ویں بین الاقوامی گندم کے ٹینڈر 2022 کے ایوارڈ پر ایک سمری پیش کی۔
اقتصادی رابطہ کمیٹی نے 7ویں بین الاقوامی ٹینڈر اور جی ٹو جی پیش کش کے نتائج کو مدنظر رکھتے ہوئے میسرز سیریل کراپ ٹریڈنگ کی سب سے کم بولی کی منظوری دی۔
اجلاس میں 16 دسمبر 2022 اور 8 فروری 2023 سے کھیپ کی مدت کے لیے کراچی کی بندرگاہوں پر ایک لاکھ 30 ہزار میٹرک ٹن کی گندم کی فراہمی کے لیے 37 کروڑ 20 لاکھ ڈالر جی ٹو جی کی بنیاد پر روس کی پیش کش کی منظوری بھی دی۔
اجلاس میں بتایا گیا کہ 37 کروڑ 20 لاکھ ڈالر سے یکم فروری 2023 سے 31 مارچ 2023 تک کھیپ کی مدت کے لیے گوادر پورٹ پر 4 لاکھ 50 ہزار میٹرک ٹن گندم فراہم کی جائے گی۔
وزیرخزانہ کی زیرصدارت فیصلہ کیا گیا کہ گوادر پورٹ سے اندرون ملک نقل و حمل پر کوئی بھی اضافی لاگت پاسکو برداشت کرے گا جس کی وصولی اس وقت صوبوں سے کی جائے گی۔
اقتصادی رابطہ کمیٹی نے وزارت خزانہ کی پاک-چین اقتصادی راہدری (سی پیک) انڈیپنڈنٹ پاور پروڈیوسرز کے لیے ریوالونگ فنڈ اکاؤنٹ کو ’پاکستان انرجی ریوالونگ فنڈ‘ سے ’پاکستان انرجی ریوالونگ اکاؤنٹ‘ میں تبدیل کرنے کی تجویز کی بھی منظوری دی۔
اقتصادی رابطہ کمیٹی کے اجلاس مین وفاقی وزیر برائے بجلی خرم دستگیر خان، وفاقی وزیر صنعت اور پیداوار سید مرتضیٰ محمود، سابق وزیراعظم شاہد خاقان عباسی، وزیر مملکت برائے خزانہ و محصولات ڈاکٹر عائشہ غوث پاشا، وفاقی وزیر تجارت سید نوید قمر اور وزیر مملکت برائے پیٹرولیم مصدق ملک بھی شریک تھے۔
اجلاس میں وزیر اعظم کے مشیر برائے خزانہ طارق باجوہ، مشیر برائے ریونیو طارق محمود پاشا، مشیر جہانزیب خان، وفاقی سیکرٹریز اور دیگر سینئر افسران بھی موجود تھے جبکہ وزیر اعظم کے کوآرڈینیٹر برائے تجارت اور صنعت رانا احسان افضل اور گورنر اسٹیٹ بینک جمیل احمد، ایم ڈی پاسکو نے زوم کے ذریعے اجلاس میں شرکت کی۔
خیال رہے کابینہ کی اقتصادی رابطہ کمیٹی نے یکم نومبر کو روس سے 372 ڈالر فی ٹن کی قیمت پر 3 لاکھ میٹرک ٹن گندم درآمد کرنے کی منظوری دی تھی۔
وزارت تجارت کی جانب سے پیش کی جانے والی سمری پر ای سی سی نے روس کے حکومتی ادارے میسرزپرودین تورگ سے بین الحکومتی سطح پر 372 ڈالر فی میٹرک ٹن کی قیمت پر 3 لاکھ میٹرک ٹن گندم درآمد کرنے کی منظوری دی گئی تھی۔
رپورٹ میں مزید کہا گیا تھا کہ یہ گندم 15 نومبر 2022 سے لےکر 15جنوری 2023 تک کی مدت میں درآمد کی جائے گی۔
مشہور خبریں۔
حکومت کی اتحادیوں کو منانے کی کوششیں تیز
?️ 26 مارچ 2022 اسلام آباد(سچ خبریں)ایک طرف وزیراعظم عمران خان اپنے خلاف اپوزیشن کی
مارچ
سپریم کورٹ کے فیصلے کی خلاف ورزی کی گئی تو ملک بھر میں احتجاج ہوگا، عمران خان
?️ 25 اپریل 2023اسلام آباد:(سچ خبریں) پاکستان تحریک انصاف (پی ٹی آئی) کے چیئرمین عمران
اپریل
پیپرا ملازمین کو ورلڈ بینک کے پروجیکٹ ای پی اے ڈی ایس فنڈ سے غیر قانونی طور پر اعزازیہ دینے کا انکشاف
?️ 23 ستمبر 2024اسلام آباد: (سچ خبریں) پبلک پروکیورمنٹ ریگولیٹری اتھارٹی (پیپرا) ملازمین کو ورلڈ
ستمبر
عطاء تارڑ اور ڈی جی آئی ایس پی آر اتوار کو قومی سلامتی بارے اہم بریفنگ دیں گے
?️ 3 مئی 2025اسلام آباد (سچ خبریں) وفاقی وزیر اطلاعات و نشریات عطاء اللہ تارڑ
مئی
قازقستان کی حکومت کا نوجوانوں پر اعتماد، مستقل وزراء کی چھٹی
?️ 18 جنوری 2023سچ خبریں:قزاقی سیاسی ماہر عادل کائوکن اف نے قزاق حکومت میں نئی
جنوری
زیلنسکی کو روس کے ساتھ مذاکرات شروع کرنے چاہئیں: امریکی جنرل
?️ 4 ستمبر 2022سچ خبریں: امریکی فوج کے سابق ڈپٹی کمانڈر مارک کِمِٹ نے کہا
ستمبر
مسلم لیگ(ن) کے رہنماوں کے ساتھ ہونے والی بدسلوکی کی مکمل تفتیش ہو:قومی اسپیکر
?️ 8 مارچ 2021اسلام آباد(سچ خبریں) قومی اسمبلی کےا سپیکر اسد قیصر نے پارلیمنٹ ہاؤس
مارچ
الیکشن کمیشن میں جمعیت علماء کے خلاف درخواست جمع
?️ 26 جنوری 2021الیکشن کمیشن میں جمعیت علماء کے خلاف درخواست جمع اسلام آباد (سچ
جنوری