آرمی چیف کی کمانڈر یو ایس سینٹرل کمانڈ جنرل مائیکل ایرک سے ملاقات

?️

اسلام آباد: (سچ خبریں) چیف آف آرمی اسٹاف جنرل عاصم منیر اور کمانڈر یو ایس سینٹرل کمانڈ جنرل مائیکل ایرک کے درمیان ملاقات ہوئی جس کے دوران باہمی دلچسپی کے امور پر تبادلہ خیال کیا گیا ہے۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل عاصم منیر اور کمانڈر یو ایس سینٹرل کمانڈ جنرل مائیکل ایرک کے درمیان ملاقات امریکی ریاست فلوریڈا میں سینٹرل کمانڈ ہیڈکوارٹرز میں ہوئی۔

آئی ایس پی آر کی جانب سے جاری بیان میں کہا گیا کہ سینٹ کام اور پاک فوج کےدرمیان دفاعی تربیت، رابطے بڑھانےکا بھی جائزہ لیا گیا۔

ترجمان پاک فوج کے مطابق اس موقع پر آرمی چیف نے سینٹ کام جوائنٹ آپریشنز سینٹر کا بھی دورہ کیا۔

واضح رہے کہ آرمی چیف ان دنوں بطور سپہ سالار اپنے پہلے دورہ امریکا پر موجود ہیں جہاں گزشتہ ہفتے انہوں نے سیکریٹری دفاع لائیڈ جے آسٹن سوم، امریکی وزیر خارجہ انٹونی بلنکن، نائب امریکی قومی سلامتی مشیر جوناتھن فائنر، امریکی نائب وزیر خارجہ وکٹوریہ نولینڈ، امریکی چیئرمین جوائنٹ چیفس آف اسٹاف جنرل چارلس کیو براؤن سے ملاقات کی جس کے دوران دوطرفہ دلچسپی، عالمی اور علاقائی سلامتی کے باہمی امور پر تبادلہ خیال کیا گیا۔

آئی ایس پی آر نے کہا تھا کہ ملاقات میں جاری بین الاقوامی تنازعات پر تبادلہ خیال کیا گیا، آرمی چیف اور امریکی حکام نے دوطرفہ دلچسپی کے امور پر بھی تبادلہ خیال کیا، دونوں اطراف نے مشترکہ مفادات کے حصول کے لیے دوطرفہ تعاون کی کوششیں جاری رکھنے پر اتفاق کیا۔

بیان میں مزید کہا گیا کہ ملاقاتوں کے دوران آرمی چیف نے علاقائی سلامتی کو درپیش چیلنجز پر بات کی اور علاقائی سلامتی کو متاثر کرنے والے پہلوؤں پر نقطہ نظر کو سمجھنے کی اہمیت پر زور دیا تھا۔

آئی ایس پی آر نے کہا کہ آرمی چیف نے مسئلہ کشمیر اقوامِ متحدہ کی قراردادوں کے مطابق حل کرنے کی اہمیت کو اجاگر کیا تھا۔

ترجمان پاک فوج کے مطابق آرمی چیف نے بیرون ملک مقیم پاکستانی کمیونٹی کے ارکان سے بھی ملاقات کی، سپہ سالار نے بیرون ملک مقیم پاکستانی کمیونٹی کے مثبت کردار اور کوششوں کو سراہا اور بیرون ملک مقیم پاکستانیوں کو ملک میں سرمایہ کاری کی دعوت دی تھی۔

آئی ایس پی آر نے کہا کہ ’بیرون ملک مقیم پاکستانی کمیونٹی نے افواج پاکستان کی ملکی خدمات کو سراہا تھا جب کہ آرمی چیف نے بیرون ملک مقیم پاکستانی کمیونٹی کے لیے بہترین خواہشات کا اظہار کیا تھا۔

واضح رہے کہ جنرل عاصم منیر 10 دسمبر کو اسلام آباد سے روانہ ہوئے تھے اور 2 دن برطانیہ میں گزارنے کے بعد منگل کی سہ پہر امریکی دارالحکومت پہنچے تھے، برطانیہ میں ان کی مصروفیات کی تفصیلات عام نہیں کی گئی ہیں کیونکہ بظاہر یہ ایک نجی دورہ تھا۔

مشہور خبریں۔

ہمیں لاکھوں افغان خواتین اور لڑکیوں کے بارے میں گہری تشویش ہے: ریڈ کراس

?️ 27 دسمبر 2022سچ خبریں:      افغان خواتین کے اعلیٰ تعلیم اور ملکی اور غیر

حج کو سیاسی رنگ دینے کے سعودی اقدامات کے خلاف مہم

?️ 20 جون 2022سچ خبریں:سعودی حکام کی جانب سے حج کو سیاسی بنانے کے خلاف

صیہونی جیلوں میں فلسطینی خواتین قیدیوں کی حالت زار

?️ 15 فروری 2021سچ خبریں:فلسطینی قیدیوں کی تحقیقاتی کمیٹی نے اسرائیلی جیلوں میں قید 37

غزہ جنگ میں امریکہ نے اب تک صیہونی حکومت کی کتنی مالی امداد اور اسلحہ جاتی امداد کی ہے؟

?️ 13 اپریل 2024سچ خبریں: امریکی میڈیا رپورٹس کے مطابق غزہ کے خلاف صیہونی حکومت

نیتن یاہو کے خلاف مظاہروں کا ریکارڈ ٹوٹا ، 150,000 مظاہرین سڑکوں پر

?️ 22 جنوری 2023سچ خبریں:عبرانی ذرائع کے مطابق گزشتہ شام مقبوضہ علاقوں کے مختلف شہروں

پاکستان کا ڈیفالٹ رسک خطرناک سطح پر پہنچ گیا ہے

?️ 27 نومبر 2022کراچی: (سچ خبریں) موجودہ حکومت کے سابق وزیر خزانہ مفتاح اسماعیل نے

وزیراعظم کی احد چیمہ کو عہدے سے ہٹانے کی منظوری

?️ 25 دسمبر 2023اسلام آباد: (سچ خبریں) نگران وزیراعظم انوار الحق کاکٹر نے اپنے مشیر

وزیر اعظم کا چینی ہم منصب سے ٹیلیفونک رابطہ، تمام شعبوں میں تعاون بڑھانے پر اتفاق

?️ 27 اپریل 2023اسلام آباد: (سچ خبریں) وزیراعظم شہباز شریف اور چینی وزیراعظم نے دونوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے