ٹک ٹاک کا صارفین کی سہولت کیلئے اہم اعلان

?️ 23 جون 2021

بیجنگ(سچ خبریں)مختصر ویڈیو شیئرنگ ایپ ٹک ٹاک نے صارفین کی سہولت کے پیش  بہترین فیچر متعارف کرانے کا اعلان کردیا۔ انتظامیہ کا کہنا ہے کہ یہ فیچر فی الحال آزائشی مراحل سے گزر رہا ہے تاہم مخصوص کریٹرز جمپس سے فائدہ اٹھا رہے ہیں۔

نئے فیچر کی بدولت ٹک ٹاک صارفین اپنی ویڈیو میں ‘منی ایپس ایمبیڈ’ کرسکیں گے۔ نئی سہولت کو ‘جمپس’ کا نام دیا گیا ہے، اگر کوئی صارف کھانا پکانے کی ویڈیو بناتا ہے تو وہ ‘ریسیپی ایپ ویشک’ کے لنک کو اس میں ایمبیڈ کرسکتا ہے۔

اس فیچر سے ناظرین ٹک ٹاک کے اندر ہی ایک کلک کی مدد سے کھانے کی ترکیت دیکھ سکیں گے۔ٹک ٹاک انتظامیہ کا کہنا ہے کہ یہ فیچر فی الحال آزائشی مراحل سے گزر رہا ہے تاہم مخصوص کریٹرز جمپس سے فائدہ اٹھا رہے ہیں، نئی سہولت کی مزید ٹیسٹنگ کے لیے دیگر افراد کو بھی سروس فراہم کریں گے۔

خیال رہے کہ جب جمپ فیچر سے لیس کسی ویڈیو کو دیکھا جائے گا تو ناظرین کو اسکرین کے نیچے ایک بٹن نظر آئے گا جو ٹک ٹاک کے اندر ایک نئی اسکرین میں مواد کو اوپن کرے گا۔ خیال رہے کہ اس سے قبل اسنیپ چیٹ بھی اس طرح کے فیچرز اپنی ویڈیوز کے لیے متعارف کراچکا ہے۔ٹک ٹاک نے بتایا کہ اس وقت ویشک، وکی پیڈیا اور ٹیبیلوگ کو اس فیچر کے لیے استعمال کیا جاسکتا ہے۔

واضح رہے کہ ویڈیو شیئرنگ ایپلی کیشن ٹک ٹاک کے پیچھے ٹیکنالوجی کے 37 سالہ ارب پتی چینی ماہر جانگ یمنگ ہیں۔ ان کی نگاہوں نے نوجوانوں میں موجود رجحان کو بھانپ لیا اور اس طرح ان کی ایپ کو دنیا بھر میں بے پناہ کامیابی ملی۔ وہ دنیا کو یقین دلانے کی کوشش کر رہے ہیں کہ ٹک ٹاک محفوظ ایپ ہے جبکہ وہ مغربی ملکوں کے مطالبات کے سامنے بظاہر نہ جھک کر چین میں اپنی ساکھ بچانے کی کوشش بھی کر رہے ہیں۔