نیویارک (سچ خبریں) دنیا بھر میں سرچنگ کے لیے استعمال ہونے والے گوگل سرچ انجن کے براؤزر "کروم” میں صارفین کے لئے 3 زبردست فیچرز متعارف کرا دیے گئے ہیں جن سے سرچنگ میں مزید آسانی پیدا ہوگئی اور صارفین مزید آسانی کے ساتھ سرچ کرنے میں کامیاب ہوں گے۔
گیجٹس ناؤ ویب سائٹ نے اپنی ایک رپورٹ میں بتایا ہے کہ گوگل نے کروم براؤزر میں تین ایسے فیچرز متعارف کرائے ہیں جن سے استعمال کنندگان کے لیے لطف اندوز ہوں گے۔فیچرز میں "سینڈ لنکس”، "ٹیب سرچ” اور "نیو بیک گراؤنڈ اینڈ کلر” شامل ہیں۔
جیسا کہ نام سے ہی معلوم ہوتا ہے کہ اس فیچر کے ذریعے استعمال کنندہ کروم سے براہ راست کسی دوسرے کو لنک ارسال کر سکے گا۔ تاہم اس فیچر سے ارسال کرنے والا لنک میں موجود مخصوص مواد کو ہائی لائٹ بھی کر سکے گا۔ لنک وصول کرنے والا کلک کرتے ہی لنک کے ہائی لائٹ مواد تک پہنچ جائے گا۔
بعض اوقات استعمال کنندہ کے کروم براؤزر پر درجنوں ٹیبز کھلی ہوتی ہیں اور فوری طور پر مطلوبہ ٹیب کو سرچ کرنے میں دقت کا سامنا کرنا پڑتا ہے۔اس مشکل کو آسان کرنے کے لیے گوگل نے "ٹیب سرچ ” فیچر متعارف کرایا ہے جس سے استعمال کنندہ ٹیب کو سرچ کر کے باآسانی اس تک پہنچ جائے گا۔ مطلوبہ ٹیب کے لیے سرچ آئیکون پر اس کا (Keyword) ڈالنا ہوگا۔
گوگل نے کروم براؤزر کو مزید دلچسپ بنانے کے لیے رنگ اور بیک گراؤنڈ فیچر کو متعارف کرایا ہے جس میں استعمال کنندہ اپنے براؤزر کا نہ صرف رنگ تبدیل کر سکیں گے بلکہ پس منظر کو بھی اپنی پسند کے مطابق ترتیب دے سکیں گے۔
