صیہونیوں کو مصر کی عسکری طاقت میں اضافے پر تشویش

?️ 28 دسمبر 2024

سچ خبریں:صیہونی حکومت کے سیکیورٹی حلقوں نے مصر کی بڑھتی ہوئی عسکری طاقت اور ممکنہ سیاسی تبدیلیوں پر گہری تشویش کا اظہار کیا ہے۔

انٹر ریجنل اخبار رأی الیوم کی رپورٹ کے مطابق، صیہونی حلقوں نے خبردار کیا ہے کہ مصر بڑے پیمانے پر عسکری اخراجات کر رہا ہے اور اپنی دفاعی صلاحیت کو مضبوط بنا رہا ہے۔

یہ بھی پڑھیں: مصریوں کے لیے نیتن یاہو کا پیغام

ان حلقوں نے تل ابیب پر زور دیا ہے کہ وہ قاہرہ کے ان اقدامات کو مثبت نظر سے نہ دیکھے،رپورٹ کے مطابق، ان حلقوں نے مصر میں ممکنہ سیاسی تبدیلیوں کے بارے میں بھی خبردار کیا ہے۔

صیہونی حکومت کے سابق سفیر دیوید گوفرین نے کہا کہ مصر نے اپنی بڑی تعداد میں افواج کو صحرائے سینا میں تعینات کیا ہے، جو کہ تل ابیب کے ساتھ سابقہ معاہدوں کے خلاف ہے۔

انہوں نے مزید کہا کہ مصر اپنی خراب اقتصادی صورتحال کے باوجود عسکری صلاحیتوں کو بڑھانے پر خطیر رقم خرچ کر رہا ہے۔

مزید پڑھیں: اسرائیل شام اور مصر سمیت دیگر علاقوں پر قبضے کے خواب دیکھ رہا ہے:عبدالملک الحوثی

گوفرین نے اعتراف کیا کہ مصری عوام صہیونی ریاست کو ایک قابض حکومت کے طور پر دیکھتے ہیں اور اسے اپنا دشمن سمجھتے ہیں۔