صیہونی حکومت غزہ جنگ بندی میں توسیع کی خواہاں:برطانوی اخبار

?️ 26 فروری 2025

سچ خبریں:ایک برطانوی اخبار نے اپنی رپورٹ میں انکشاف کیا ہے کہ غزہ میں جنگ بندی کے معاملے میں ثالث کار اس ہفتے کے دوران دوسرے مرحلے کے معاہدے کو شروع کرنے کی کوشش کر رہے ہیں۔

برطانوی اخبار فنانشل ٹائمز نے باخبر ذرائع کے حوالے سے رپورٹ دی ہے کہ اسرائیلی حکومت دوسرے مرحلے میں داخل ہونے کے بجائے پہلے مرحلے کی جنگ بندی کو بڑھانے کا ارادہ رکھتی ہے۔

یہ بھی پڑھیں: غزہ جنگ بندی میں توسیع کا واحد راستہ کیا ہے ؟

رپورٹ میں مزید کہا گیا ہے کہ اسرائیلی وزیر اعظم بنیامین نیتن یاہو باقی قیدیوں کی رہائی کے درپے ہیں، تاہم وہ جنگ کو روکنے کے کسی بھی معاہدے میں شامل ہونے سے گریز کر رہے ہیں۔

مزید پڑھیں: غزہ جنگ بندی کی راہ میں نیتن یاہو کا نیا پتھر؛ یہودی اربیل کون ہے؟

فنانشل ٹائمز نے یہ بھی لکھا کہ ثالث کاروں کو امید ہے کہ جنگ بندی کے دوسرے مرحلے پر مذاکرات اسی ہفتے شروع ہو سکیں گے۔