سچ خبریں:اقوام متحدہ کے انسانی حقوق کے کمیشن کے سربراہ نے سعودی حکام کے ہاتھوں ایک دن میں81 افراد کے سر قلم کیے جانے کی مذمت کرتے ہوئے کہا کہ یہ اقدام جنگی جرائم کےزمرے میں آتا ہے۔
فرانسیسی خبررساں ایجنسی کی رپورٹ کے مطابق اقوام متحدہ کے انسانی حقوق کے کمشنرمیشل باشلہ نے 81 افراد کا سرقلم کرنے پر سعودی عرب کی مذمت کرتے ہوئے کہا ہے کہ 81 افراد میں سے 41 افراد کا تعلق شیعہ برادری سے ہے جنھیں صرف 2011 اور 2012 میں مظاہروں میں شرکت کرنے کے جرم میں قتل کیا گيا ہے۔
اقوام متحدہ کے انسانی حقوق کے کمشنر کا کہنا ہے کہ جن افراد کے سرقلم کئے گئے ہیں ان میں بعض کو ایسی عدالتوں میں سزا دی گئی ہے جہاں بین الاقوامی اور انسانی اصولوں کی رعایت نہیں کی جاتی، اقوام متحدہ کے انسانی حقوق کے کمشنر نے کہا کہ سعودی عرب کا یہ اقدام جنگی جرائم کے زمرے میں آسکتا ہے۔
اقوام متحدہ کے کمشنر نے کہا کہ سعودی عرب کا عدالتی نظام ، انصاف کی بنیادوں پر قائم نہیں بلکہ داعش کے دہشت گردانہ اصولوں قائم ہےاس کے علاوہ متعد عالمی تنظیموں نے بھی سعودی عرب کے اس اقدام کی شدید مذمت کرتے ہوئے اسے سعودی حکومت کے دامن پر بدنما داغ قرار دیا ہے۔