امریکہ کے سعودی عرب کو ایف 35 جنگی طیاروں کی فروخت پر صیہونی حکومت کا اعتراض

?️ 19 نومبر 2025

سچ خبریں:امریکہ نے سعودی عرب کو جدید ایف 35 طیارے فروخت کرنے کی منظوری دے دی جس پر اسرائیل نے شدید تشویش ظاہر کی ہے۔ اسرائیلی فضائیہ نے انتباہ کیا ہے کہ یہ معاہدہ خطے میں تل ابیب کی فوجی برتری کو کمزور کر سکتا ہے۔

روسیا الیوم کے مطابق کی رپورٹ کے مطابق امریکہ کی جانب سے سعودی عرب کو ایف 35 جنگی طیاروں کی فروخت کی منظوری نے اسرائیل کی جانب سے سخت ردعمل کو جنم دیا ہے۔

یہ بھی پڑھیں:ممکن ہے بن سلمان امریکہ سے خالی ہاتھ واپس لوٹیں:صہیونی میڈیا

رپورٹ کے مطابق، اسرائیلی فضائیہ کی جانب سے تیار کردہ ایک خفیہ دستاویز سیاسی رہنماؤں کو پیش کی گئی ہے جس میں امریکہ کے سعودی عرب کو ایف 35 طیاروں کی فراہمی کے ممکنہ نتائج پر خبردار کیا گیا ہے،رپورٹ کے مطابق یہ معاہدہ خطے میں تل ابیب کی فضائی برتری کو متاثر کر سکتا ہے۔

اس دستاویز میں لکھا ہے کہ اسرائیل کی خطّی برتری بنیادی طور پر انہی جدید جنگی طیاروں پر قائم ہے، اور سعودی عرب کو ان کی فراہمی تل ابیب کی اس اسٹریٹجک برتری میں واضح کمی پیدا کر سکتی ہے۔

رپورٹ میں یہ بھی کہا گیا ہے کہ کمپنی لاکہیڈ مارٹن کی جانب سے سعودی عرب کے لیے ایف 35 کی تیاری پر توجہ مرکوز کرنے سے اسرائیل کے آرڈر کی ترسیل میں تاخیر ہو سکتی ہے، جس کے نتیجے میں اسرائیلی فضائیہ کی منصوبہ بندی متاثر ہونے کا خدشہ ہے۔

مزید پڑھیں:مشرق وسطیٰ کے نئے آرڈر میں سعودی عرب کا کردار

گزشتہ روز امریکی صدر ڈونلڈ ٹرمپ نے سعودی ولی عہد محمد بن سلمان کے وائٹ ہاؤس کے دورے کے موقع پر اعلان کیا کہ واشنگٹن نے سعودی عرب کو ایف 35 طیاروں کی فروخت کی منظوری دے دی ہے۔